Richtig Kurfeluäge

jo, süsch chaschdr ou dr wäg sueche wo frei isch, bzw wo chasch dürefahre, anstatt die sache aaluegsch wodr dr wäg versperre..

abr ebe, üebe, üebe, üebe

Naja. Das fod scho med chliine sache a.

Zom biispel, wennt öberne fuessgänger streiffe ie fahrsch, dass dete scho of die onbemolte flechene luegsch. Oder wennt zwösche toleteckel dore fahrsch, dass of de assphalt luegsch ond ned of'd Deckle...

Met de Ziit werd das denn zom normale. Bruucht halt eifach es ziitli...

han dir au no än chlinä tipp und zwar, gansch lieber äh chli langsam ih kurvä das am scheitelpunkt dä hahnä (gas) chasch ufriesä, als ab äm gas muesch well äh chli z'schnäll bisch. äh so bisch mit dä zit au bi unbekanntä steckänä (kurvä) relaiv flott unterwägs und erscht no sehr sicher. aber ebä wies so g'seit wordä isch übung macht den meister...

Zitat

Original von Passani
immer cool blibbe

hehe da hei mir ja üäbig... de chasch o mau öpis rette wo nüme z rette isch

*insider*

Zitat

Original von sugibängel
han dir au no än chlinä tipp und zwar, gansch lieber äh chli langsam ih kurvä das am scheitelpunkt dä hahnä (gas) chasch ufriesä, als ab äm gas muesch well äh chli z'schnäll bisch.

das machi au emmer eso .. so weisi genau wases mag liide ond ebe s onfallrisiko esch so au rächt gsänkt!

Ich ha der zwei Manöver wo de chasch üebe. Das goht nur miteme Kolleg zäme. So chönder au abwächsle.

A C H T U N G : Was jetzt folgt machsch du uf aigeni Verantwortig. Fang langsam aa. Es bringt nüüt, die Manöver schnäll z'mache wänns langsam nöd beherrschisch.

Du bruuchsch:

- es geeignets Gländ (Parkplatz etc.)
- es Stück dicki Chryyde (oder Absperrband oder Mooler-Chläbstreife)
- es harmloses Hindernis (das chan z.Bsp. es paar leeri 20Liter Flüssigkeitskontainer us Kunschtstoff für destillierts Wasser sy)
- und en guete Kolleg als Hälfer.

Ca. 15 Meter vorem Hindernis mahlsch mit der Chryyde en Linie uf der Bode. Din Kolleg staht öbbe 5 Meter diräkt hinter's Hindernis, so dass är d'Chryyde-Linie no gseht und no wägseckle cha, falls en Notfall yytritt.

Denn fahrsch mit 25 km/h ufs Hindernis zue.

Wänn de über d'Linie fahrsch, ziehsch d'Kupplig und dy Kolleg git dir es Zeiche ob de noch links oder rächts söllsch uswiiche. Dört muesch denn au aaneluege und anefahre. Das Zeiche cha en plötzlich usgstreckte Arm syy, oder zwai Kartonschiibe, wo uf der einte Syyte wyss und uf der andere farbig sind. Dyn Kolleg hebt denn baidi Ärm waagrächt in d'Luft und cheert jewyls ai Schiibe um, sobald dys Vorderrad uf der Linie isch.

Du wirsch folgendes feschtstelle:

- Obwohl din Kolleg dir sofort Zeiche git wenn du über d'Linie fahrsch, wird's dir irgendwie verzögeret voorchoo. Dasch ebe dini Reaktionszyt. Das choschtet di locker 3-5 Meter.

Mach die Üebig zerscht langsam und ohni brämse, nur Uswyyche. Am beschte bhaltisch alli Finger vo de rächte Hand am Gasgriff, nid das de uf dr Gedanke chunsch z'brämse und glyychzytig usz'wyyche. Das wäre der sicheri Sturz. Denn dasselbe schnäller. Nach mine Berechnige söttsch mit ca. 35 km/h no dürechoo.

Dänn dasselbe mit Brämse und Uswyyche. Vorsicht mit der Hinterbräms - die würd i wäg laa für so Manöver. Wenn der s'Hinterrad quer chunnt cha das im Extremfall zum "highsider" füere. *Autsch*

Merke 1: Erscht brämse, wänn du s'Zeiche vom Kolleg gsehsch, nid scho automatisch wänn du über d'Linie fahrsch. Das simuliert s'Verschrecke und schuelt dini Reaktion. Wänn bschyssisch, bschyssisch di nume sälber.

Merke 2: Solang de brämsisch, luegsch graadus (d.h. uf di Kolleg wo hinter em Hindernis stooht). Denn Bräms lööse, Blick dörtane wo der Kolleg anezeigt und uswyyche. Du wirsch feschtstelle, dass de so bis über 50km/h schnäll chasch sy und es längt der immer na.

Das muesch dänn halt regelmässig üebe, aber besser ainisch als nie. Du wirsch gseh, Bräms-Uswyyche isch hueregeil!

Han suscht au no was für dich, gang uf d'Rennstrecki!!! Aber in äs Sicherheitstraining nöd nur go rasä. Döt bisch öfters mol ä chli z'spoht uf dä Brems oder so und döt üäbsch den schnell aifach i Kurvä luägä und inä!!!

Hehe jo mit 25kw isch nöd so luschtig, aber kollegä vo mir hend amel für Pistä au rasch d'Drosslig usägnoh...