Eure Lieblingsfilme

Zitat

Original von Simu73

bin ich der einzig wo gärn drama und so luegt?

Alles anzeigen

wennd grad so frogsch ... jo :D! haha! nenei i dänke es get secher no anderi leude vom forum wo au ab ond zue drama lueged hehe! mäldet euch schösch esch de simu73 ganz eleige met sine dramas :D!

ond wägem hostel ... ich verstoh ned ganz werom dass de i de höttige gsellschaft falsch am platz esch! also i meine mer send jetzt halt do aglangt wo jede 2. jugendlich liebend gärn ego-shooter games zockt ond söttigi filme wie z.b. hostel wänd luege! das wäge söttige filme ond games lüt of sehr schlechti gedanke chömed (zo psychos ond killers wärde) esch ned usgschlosse! aber jo was wotsch mache! so esches halt! d game- ond felmwält boomt halt!

Zitat

Original von Simu73
jo wot nid elei si

du bringschs eigentlich ufe punkt

aber me set jo "eigentlich" öbis dergäge ungernä

i meine es wird jo immer wie krasser... das serigi WO D FILME NID MÖGE VERLIDE när voll duregheiet

nur es chlises bsp. z dütschland isch eine grad vor es paar wuche vor gricht gsi...

wäge öhm glaub mord

är het sis opfer ufgässe.... mmh lecker...

weisch i darf glaub behaupte serigi filme mache mer nid alzuvill... auso si döi mi nid "gross" beifluse hani s gfieu... i dänke zwar das filme jede beeiflusse... naja i dänke s problem isch eidütig das wo du seisch

s filmbusiness boomt... und mir läbe im kapitalismus...

do stoht s finanziele vor em soziale

do druss cha me e interesanti diskusion füehre...

Alles anzeigen

jep genau so esches! ond ich ben au eine vo dene wo so felme chalt löhnd! also ich hamer de ebe wörkli heftiger vorgstellt .. i mein er esch scho brutal ond so .. aber glich ich han scho X-söttigi felme gseh ond ben abghärtet! aber ebe well s finanzielle vorem soziale stoht chöne mer ehh nix mache ... ond ehrlechgseit wördis au ned ombedengt begrüesse wenns ke heftigi felme oder ego-shooter games me wörd geh! well ebe es macht halt scho spass ! also fertig offtopic es goht jo do schliesslich om d lieblingsfelme also finito :)!

ts die diskussion hani scho 100 000mal gseh ;). und es sind nid die film wo mensche ufe psycho bringed sondern veralagig oder ereignis wo sich früeh i dä chindheit abgspielt händ. ich denke bi teilne sind so games sogar no besser zum sich usläbe als die wos denn nachher au würkli im reallife mached. stell dr mal vor was passiert wenns so zügs nümme gäbt... uiuiui.
so.... min seich hani au no dezue gäh und sägged jez nüüt ich bin mitere psychologin als schwöschter ufgwachse

torque oder ou hart am limit gnennt! da chunt mir nume no z chaute chotze!

Wär ä geile Töfffilm wot gseh söu säch mau Faster inäzieh! Dä isch geil! Isch zwar ä Doku aber isch sehr empfählenswärt!

Gruäss

Zitat

Original von Hypi
ts die diskussion hani scho 100 000mal gseh ;). und es sind nid die film wo mensche ufe psycho bringed sondern veralagig oder ereignis wo sich früeh i dä chindheit abgspielt händ. ich denke bi teilne sind so games sogar no besser zum sich usläbe als die wos denn nachher au würkli im reallife mached. stell dr mal vor was passiert wenns so zügs nümme gäbt... uiuiui.
so.... min seich hani au no dezue gäh und sägged jez nüüt ich bin mitere psychologin als schwöschter ufgwachse

jep hypi du hesch ebe scho rächt .. jetzt wots seisch .. esch ebe genau ehh wäge so chendheitserfahrige oder so ond ned s eigentlich zocke oder söttigi filme luege aber ebe!

A propos Motorrad Film: Easy Rider Näb all däm Gschnurr isch es doch e wunderbari Gsellschaftsstudie vom Amerika Mitte des letzten JHs. Mängisch gohts dört usse hüt no so zue und här wie domols, das isch jo's Peinliche derbii. E Klassiker halt.

Het öbber Diarios de Motocicleta gseh über's Läbe vom junge Che Guevara, won är mitem Töff durch Südamerika gfahre isch und derbii ufs Leid vo de arme Bevölkerig ufmerksam worde isch?

Und denn natürlich der ultimativi Bier- und Bikerfilm: Werner - Beinhart!

also easy rider isch jez än totale müll. zur siner ziiit villicht no guet wills neu gsi isch aber ich bin bi däm film igschlaffe. die grotteschlächte dialög ziehnd dä film jez is bodelose...

Mein Favorit in sachen Motorradfilm ist Biker Boyz. Der rockt. Und sämtliche Stunts wurden original gefahren (keine Computeranimationen wie bei Torque).

Und die Braut ist einfach auch geil!

jup bikerboyz isch echt s'geilschte was so ummeliiit.
aber ganz ohni special effects bi dä stunts sinds nid uscho, gsehsch es eigentlich bi dä geilschte szene wos d'stahlsohlene montiered und uf dr autobahn abstöhn während dä fahrt. det isch dä eint stunt won er vom einte uf die ander sitä springt computeranimiert

Ach ja? das wusste ich nicht. Aber im gros ist alles "echt" und das auf die andere Seite springen könnte doch auch machbar sein oder nicht?

Aber die Stunts sind halt nicht so übertrieben. Ich habe dort blöd zur wäsche rausgeschaut als die vier neuenerkorenen "Biker Boyz" auf der Brücke auf in Formation auf dem Vorderrad heranbrausten. Und das Girl hinten bei Kid drauf sass und am winken war! So geil

Pic

jup dä isch würkli ganz geil gsi

ja ämmm, i weiss nid öbs möglich isch aber wennts dr physikalisch mol aluegsch isch scho nid ganz realistischs unterfange, zum abspringe mues er ja druck ufe bode gäh.das heist aber au dass d'gleitriiibig grad zunere haftriibig übergat und es schlezt sin körper nach hinde und denn müester dä körper uf die ander sitä würge und det grad nomal abspringe und ufe töff. binere niedrige gschwindigkeit chönnts klappe aber susch veräbleds dii. han dä stund jez no nie eso neumeds susch gseh wo das klapped hätti ohni special effect aber ich lohn mich gern belehre geil gsehts allemal uus mit däm funkesturm