alles relativ

    Bevor mi wieder emol öbber vo euch langwyylt dermit, wie schnäll är scho gfahre isch und wie tierisch doch sin Töff beschleunigt, setzed das doch mol in Relation zu däm was möglich isch. Zum Byspiel mit em Urs Erbacher sym Top-Fuel Dragster.


    Jo, ich waiss es sälber, dasch nid ganz s'glyyche. Trotzdäm:


    8400 PS
    0 - 540 km/h in 4.53 sek
    80 Liter Nitro-Methanol Verbruuch uf 400 Meter


    http://www.erbacher.biz/index_d.html


    DAS isch Beschleunigung.


    My Punggt isch: was unseri Töffe laischted, absolut betrachtet, zieht das doch kai Wurscht vom Täller. Lächerlich. Für der Strosseverkehr isches hingege scho fascht dr Overkill (150 km/h im 1. Gang etc.) Alles relativ?


    Denn setzte mer die Top-Speed-Träum mol in Relation zu däm was Läbe rettet: ere Top-Brämsbeschleunigung. Vielicht bin ich do als Harley-Triiber e chli gschädigt, es het mi nume grad gnärvt, zum x-te Mol z'läse wie aine an synere Rennmaschine e luute Uspuff draamacht wills 2 PS mehr git (und 10 Db) und dermit mit zweihundertfrmpftxyzig Sache uf öffentliche Strosse es Loch in d'Atmosphäre stanzt, aber vermuetlich Schweissusbrüch überchunnt, wenn är useme Hunderter bi nassem Asphlat sötti e Vollbrämsig mache.


    :böse:


    Ich find halt s'Brämse viel wichtiger und interessanter als s'Gas gäh - das cha nämlech (nid) jede. Und ich find es sött jede nume so schnäll fahre wiener sich au traut e Vollbrämsig z'mache. (Gruess ans ABS). Aber ebe, dasch au nur die aigeni relativi Mainig vo aim wo s'Ränntöff fahre überläbt het und jetzt e chli vorsichtiger isch.


    Wie isch das bi euch? Händ ihr euch scho derbii ertappt, wiener dänkt händ: "Ou, wenn i jetzt hätt müesse in d'Yse stiige, hätti mi trout?" Ich bi sicher, das isch scho jedem passiert. Frage: Aber wie hüüfig fahred ihr schnäller als dr euch traued z'brämse?


    take care!

    Ich lenke also bin ich. (René D. Kart)

    drum mach ich regelmässig mini vollbräms üebige,
    hett mer scho paar ma fiisi situazione erschpaart dasi mini brämslimite
    je nach schtrassebelag, wätter, reife und brämschiibe temperatur (ibergeregg) meh oder weniger kenn. *g*


    So aproppo de yogurtbächer und enduro fraktion, wo sich lüüteri topfalage drah machet..
    Da kenni no vil die bessere, d chopper/Harley Freaks wo sich bi 0 leischtigszuewachs ihri endroohr lönd la uuusruuhme *g*


    Tööned irre hammer und windet heftig use *g*

    Du Moschtchopf du.....het dir din Starrrahme dr sack abvirbiert oder was isch los?


    nur mal so: bi dim Titel hät mä chöne meine es wärd intressant....denkste...
    Bim andere thread het mä bim titel gwüsst um was es geit....und wenns di nid intressiert, wär dr lengscht Penis het, den lises doch....viel meh als gradusfahre chame mit dim altise ja doch nid....
    fahr du mit dire Sporty, Dyna, Softtail, V/Street-Rod oder dire Glide so langsam dürd gägend wie du lust hesch und park de ambizionirere fahrer witer hin kurve zue.


    zu dure frag: nei i ha kei angst bim bremse, au bremse macht spass...vorallem usbremse


    so, das jetzt nid en wuetafahl bechunsch, nid immer alles isch so ernst wies gschribbe würkt, isch mini art nach 5std schlaf...i gange wider is bett...scheiss pöstler

    Es esch scho so. Be de meischte hörts be 80km/h uuf met vollbrämse. Ond das aber au nor be trochner stross ond schönem wätter ond wenn d vögel am zwetschere send.


    ech sälber ha bes jetzt einisch be 140km/h müesse en vollschlerg riisse. esch ned grad öpis vom tollste. ond ech ha müesse erfahre, dass es scho rächt schwerig esch be 140 sache rechtig z brämse. ech wett of jede fall ned ebe no grössere gschwendigkeite of öffentleche strosse müesse en vollbräms mache.


    wie au emmer. aber a de brämse vo öisne töff hanged öises läbe...


    ond ech hange rächt a de brämse, eh, am läbe...

    Triumph - Egal ob Unterwäsche oder Motorrad :engel:


    regg di ab mann.


    1. herrscht e de schwiiz ond e dem forum freii meinigs össerig.
    2. we du scho gschrebe hesch. wens di ned enteressiert, denn lachs lo sii
    3. fendi guet, dass weder gosch go schlofe. de chonsch velecht weder e chli obe abe...

    Triumph - Egal ob Unterwäsche oder Motorrad :engel:

    @ Peak merci für din biitrag :grinning_squinting_face:
    susch hetti auno grad was müesse schriibe vo wäge meinigsüsserig und so


    @ TT dänke oft wäni so um es kürvli düüsele , : wänn jetzt da hind öppis isch , chönnti da brämse ???
    wobii macht mer sich die gedanke viellicht erscht wämmer scho einigi bränzligi situatione erläbt hätt , oder schlicht und eifach es gwüsses alter hät (meine das nöd wärtend , reini tatsach )


    läbed mit de bräms aber brämsed nöd im läbe :face_with_tongue:

    suche neuen Schutzengel, meiner ist nervlich am Ende

    monky
    Scho rächt :grinning_squinting_face:


    Das vo wäge om ne Korve ome düüse ond denn dänke wenn jetzt e dere Korve öpis esch, magi denn brämse? Das esch glaub au e Vernonftssach. Ech ha mer die Frog au scho müesse stelle. Ond we de TT scho gseid hed, werd sech die Frog wohrschindlech jede Töff-Fahrer scho mol gstellt ha.

    Triumph - Egal ob Unterwäsche oder Motorrad :engel:

    ha no immer möge brämse und es isch scho huere knapp worde. aber es git au situatione, da chasch brämse wie'd wotsch....


    bi de töff xehni s'problem in sofern ned, dass bi dene, wo ihri töff schneller möched eigentlich immer no gnueg brämsleischtig ume isch mit de original aalag. überfordered winds meischtens mit de beschleunigungs- und mit de brämsleischtig.


    schlimmer findi's bi de auto. wo oftmals d'brämsleischtig grad mol so knapp für de originalzueschtand langet. aber denn pumpets en (mit chip-tuning und scharfer nocke eigentlich relatic günschtig machbar) und dänked ned drah, dass die mehleischtig au wieder abbrämst werde muess. wer's scho mal versuecht hed mit z'heisse brämse uf e spitzcheri abe z'brämse und uf en stei gstande isch mit chum verzögerig, weiss was ich meine


    @passani
    chunnt mer so vor, als wärsch chli intolerant?! oder bisch du eifach de geilscht?

    Bück dich Fee, Wunsch ist Wunsch...

    Liebe Kücken/ex Passani, ich wünsche dir en tüüfa gsunda Schlaaf.
    Denn chunsch nochhär (vielicht) e chli weniger ambitioniert derthär, derür e chli souveräner. Au ufem Töff.


    :winking_face:

    Ich lenke also bin ich. (René D. Kart)

    Einmal editiert, zuletzt von TT ()

    Zitat

    Original von Mercutio: "bi de töff xehni s'problem in sofern ned, dass bi dene, wo ihri töff schneller möched eigentlich immer no gnueg brämsleischtig ume isch mit de original aalag."


    My Punggt isch: S' Problem liegt (au do) in 99% vo de Fäll au nid bi dr Aalag, sondern bi däm wo sy bedient. Es isch absolut unerheblich öb dä Töff 255km/h oder noch em Tuning 285km/h lauft. Viellicht wärs au guet, die Fr. 350.- ine Fahrsicherheitskurs z'investiere anstatt in Carbonlook-Miniblinker.


    Und d' Physik isch gnadelos. Das will heisse, wenn de uss Prinzip am Limit brämsisch (also vor jedere Kurve ufem Vorderredli bisch, wie' n au ich das gmacht ha), no muesch di bim Brämspunkt setze nume um 2/10tel Sekunde verschätze. Bi 100km/h rollsch in dere Zyt 5 1/2 Meter und scho gaht dr dr Asphalt uss, egal wie guet dini Aalag verzögeret.


    Denn chunnt no öbbis wyters derzue: Uf dr Rennstrecki isch e Gländeusflug halt aifach ärgerlech, aber uf de Öffentliche hets Bäum und Guillotine-Laidplanke und Gägeverchehr. Chasch sicher syy, der Poschtbus chunnter der genau denn entgäge. Und sone Poschtbus isch au nüt anders als e gälbi Wand.


    Nach em Motto: Z'erscht :wand: und denn :engel:.


    take care!

    Ich lenke also bin ich. (René D. Kart)

    Em grond gno hesch rächt TT. Ech be au ned dä wo am absolute Limit fahrt. Of jede fall ned of de öffentleche Strosse. Ond of de Rennstrecki beni bes jetzt no nie gsi.


    Klar esch au, dass d Physik gnadelos esch. Doppletti gschwendigkeit = vierfachi Chreft wo werket. Das söt jo scho mol es bezli abschrecke.


    Was mer aber au gseh mues (sarkasmus grüsst)...
    Wennt werkli secher wotsch sii, denn daf mer jo ned e mol go schloffe. Schliesslech stärbed die meiste lüüt em schlof.


    Nei em ärnst. Töff fahre brengt es Risiko met sech womer sech mues bewosst si bevor mer afod Töff z'fahre. Zodem muess mer emmer of sech ond die andere Verchehrsteilnähmer luege. Trotz dem söt mer emmer no chli resärve ha, dass wenn mol werkli öpis wär, dass mer au no reagiere cha.

    Triumph - Egal ob Unterwäsche oder Motorrad :engel:

    i gloube ou dasd brämsalag nid dr schwachpunkt isch sondern immr no dr mönsch
    wiu e statistick het ergä das 50% fo aune töfffahrer bire richtige notbrämsig (wiu ne eine fort schnore fahrt oder eso öbis) scho fohrem hindernis asackgfloge si, wiusi s Vorderrad überbrämse und wäge däm umkeie.



    :muaha: :klatsch: :baby: :)) :ugly3: :fick: :kotz:

    eifach immer dra denke: drossle hesch ide rächte hand! egal was füren töff und was für bremse

    Zitat

    Original von Stephan
    eifach immer dra denke: drossle hesch ide rächte hand! egal was füren töff und was für bremse


    he dä muäsch mir iz erkläre?