Doch no zo minere R6 cho :rock:

so zom weder ofs eigentliche thema z glange ... mini R6 stoht jetzt be mer deheim i de garage ! sie esch leider noni drosslet, noni versicheret ond han de uswis noni omgschrebe somet chani noni grösseri tuure onderneh! am zischtig brengi sie em mech wägem drossle ond i mach mer jetzt grad en offerte vo de versicherig dasi denn nxt week (äuä so metti woche) met de R6 chan omecruise :)! also ben noni gross zom pics mache cho .. han nor fang das vom avatare ... sobaldi denn meh pics han stelli sie ine!

es grüsst der neue besitzer einer wiedermal arschgeilen R6 ;)!

ps: ben höt natürli scho schnell e sprötzfahrt go mache ... ond denn hani sie welle aloh denn esch sie glaubs grad so halbe versoffe. d.h. ich han de choke ned ine to ond halt sochli görgelet weler ned gloffe esch, denn no met em choke probiert ond sie denn eifach mol chorz chli gloh onds denn nomol probiert denn esch sie denn gloffe! jetzt mini frog ... send so 600er allg. so rächt sensible ... also d.h. ebe wenn sie de choke brüchti ond i wott sie ohni aloh dass sie denn grad so versufft oder so weli halt 2,3 mol probier? ond ehm esches denn gschider de choke grad ine ztue wenn sie öberd nacht gstande esch oder ehner ohni choke 2,3 mol probiere?

Zitat

Original von Linkin
han ja s`gliche modell und jahrgang wie du... ich tue de choke immer gad inne. dänn eimal uf de starter drucke und scho lauft mis baby:D

wänne de motor warm isch bruchsch de choke dänn nüme zum ahlah... aber das isch ja glaubs logisch...

PS: Was heissed die chinesische zeiche?

ah ok jo denn probieris morn morge au grad mol met em choke! also jetzt beni ebe höt am 1 go fahre woner ned het welle asprenge denn nomol öppe am 3 use denn escher au grad ohni choke grad agspronge! ond wäge de chinesische zeiche .. das chani der leider noni säge de vorgänger (chips) het die no druf to ... hanen aber em eifer des gefechts vergässe z froge was die öberhaupt fören bedütig händ ! jäjo äntweder werd er sech grad no em forum mälde ond shcösch frogi ne denn no :P! du hesch en scorpion topf dra oder?`was het dech de kostet? well wani be minere no muess mache weni weder stotz han ... en deftig geile topf dra haue ond mini blinker ond evtl. sturzpads ond denn längts för s 1. :D!

120 ps länge zom abhaue :P! nei scho klar ned! ben höt jetzt 3 mol dosse gsi ond gang nomol chorz bevori in usgang gange aber ebe nor of de str. be eus en gräniche! esch eifach hammer das ding! ond das esch verständlich dasmer so en machine ned eifach ohni witeres chan verchauffe ... dasmers fasch ned öbers härz brengt aber ebe wemmer schmärze het bem fahre esches au ned so geil! so also ben weder weg, han no pics gmacht stelli aber ersch morn oder so ine han jetzt ke ziit meh r6 rüeft :P!

Zitat

Original von Linkin

Ha en Scorpion High Up Topf dra mit ovalem durchmässer...mir gfallt vorallem das erhitzte titan (blaui farb) a mim topf und de sound.. mit oder ohni db-killer

dä topf gits na us carbon und titanium (ohni blau) wobii de normali titan dä biligsti isch und dä blaui am tüürste

leider ischs en rächt tüüre gspass, 995.- um genau zsie... s`geile isch na dra, dass sälte en blaue scorpion gsehsch.. di meiste händ akras etc. am töff, die wot hald gsehsch wie sand am meer:D

suscht hani na LED miniblinker dra, LED Heck, und diversi chlini sache wie felgerandchläber, blaui aluventilchappe usw.

und bald na ä blauverspiegleti racingschiibe *freu* mach dän wider mal pics wän sie ädnli cho isch..

Alles anzeigen

ah ok jo i weiss wases för verschedeni scorpiontöpf get .. han nor mol eine gseh fören r1 ond de esch au 995.-- gsi! demfall esch de förd r6 ned belliger (obwohls jo eigentlich au ke grond gäbt wesshalb er belliger sött sie :D)! jep blaui racingschibe gseht au vollz geil us! muess denn luege met was dasi afoh omboue ond jo werde euch natürli au ofem laufende halte!