Vorbeifahren an Kolonne: Erfahrung mit der Rennleitung?

ja dasch relativ peinlich

i weiss ebe au ned genau wie das esch aber guet hesch gfraget be scho ufd antwort vom yam gspannt de weiss das secher

cu charlie

han in winti en buess über 60.- defür übercho

ha nonie müesse zahle defür. und ich fahre immer vüre. eimol bini vüre gfahre. de zzöitvorderscht isch en laschtwage xii und de vorderscht (leider erscht xeh, woni scho näbedra gstande bi) en schmierchare. hend zimmli blöd gluegt, ok, ich au.
uf jedefall isch denn grad grüen worde und ich bi loszoge. die zwee im auto hend aber kei astalte gmacht mich irgendwie useznäh. die 60.- würdi scho zahle, das isch mer s'vürefahre wert.

edit: wichtig isch uf jedefall, wenn'd uf d'busspur oder so wächslisch zum vürefahre: unbedingt zerscht hindereluege

Im in Trimbach mal.. simmer rächts ufem Velostreife füregfahre () und vore es blaus Büssli. Näbedhere... de sFeischder dune.. mal ineglueget... hmmmmm irgenwas isch komisch *g*. De no irgendwie chli aapisst was gseit... aber susch nüt passiert... ersch nacher peilt dases echt Polizei gsii isch.

Susch macheds amig zwüsched Albisriederplatz und Hardbrugg Kontrolle.. also wenn uf de Abbügspur füregasch und nacher graduus wiiter nämeds di vor de Hardbrugg use.. wases git weissi nöd.

also eigentlich hani vom öberhole au ned sehr vell ghalte .. esch halt verbotte ond somet hanis öppe 2 johr lang usghalte met em roller emmer oder emu fasch emmer henderde autos z warte! nor ergendwie jedes mol woni i de kolone gwartet han send wörkli emmer ergendwelchi töff verbi gfahre ond ich han emmer dänkt .. easy die bechöme jo de buess! woni denn de töff gha han eschmer das au z tomm gsi ond han mösse säge scheiss drauf! also i öberhol jetzt eigentlich au öppe die aber ned emmer, chonnt emmer ofd situation drofa ond öbi stress han oder ned! weni z.b. id schuel muess ond spot dra ben öberholi au jedes auto wos nor goht ... wenns langsamer fahre oder im stau warte! also jo mech händs au nonie verwötscht aber eschmer au einisch öppe s gliche passiert wie em mercutio. öberhol en ellelangi kolonne ... ond luegi sochli före gsehni doch glatt en schmiercharre öppe 3 autos vor mer .. ich eifach härzchlopfe becho ond eifach so näbem kolonneverchehr aghalte ong gwartet bes d autos weder losfahre dasi weder zwösche de autos ine chan ond schön braf chan wiiterfahre !!! ond vo dem här ebe wenns mi gseh händ .. was wänds mache usstige ond hendere lauffe :P! also ebe sie händ au nix gmacht aber händs au ned guet chönne! ond d nr. händs jo au ned gseh! jäjo

Zitat

Original von Spike
.....wases git weissi nöd.

ämal nüd guets...:D
än ehemalige arbeitskolleg isch mal mit em auto ufem pannestreife füregfahre...tja, dummerwiis isch d`rännleitig uf em pannestreife gstande... und ähm ja...:D 2 mönet laufe und ä saftigi buess hät er kassiert

isch absolut sälber schuld und mitleid hani mit so lüüt sowieso kei

jo guet ofem pannestreife esches grad echli zu krass! das esch wörkli es heftigs verbot .. also för nor före fahre anere kolonne wemmer ke linie öberfahrt also gschlossnigi denn sött ned so vell passiere!

jo aber wenn du nüd de pannestreife bruchsch und au kei durezogeni linie überfahrsch sondern eifach zwüsched de kolonne oder uf de siite vo de kolonne vüre fahrsch, denn choschtets tatsächlich 60CHF. isch im buessekatalog so drinne.

wenn aber dadezue e bussspur bruchsch wie's en kolleg gmacht het denn choschtets grad mal 300hämmer....

Hehe uf de Hardbrugg fahri bi Stau au immer uf de Busspuur. Luege immer a die letscht Bushaltestell falls irgend öppis dete staht........aber me chan au päch ha........den wird's tüür.

Ich han emol vo eim chört, dass er d'Kolone links überholt hät (weiss halt nöd die gnaue Umständ).. jedefalls Fr. 270.- hätt das chostet... in Baden AG.

muesch haut eifacht ufpasse

bi mou uf dr outobahn so füregfahre (ca. mit 30kmh^-1), grad e laschtwage überhout wo uf dr rächte spur isch gsi und woni öpe e meter vorem laschtwage bi ziet e pw (i bi grad uf höchi vodr biifahrere gsi) übere, und wächslet vodr lingge uf die rächti spuur. s hetmi när eifacht übere drückt. währenddäm hani so is outo übere gluegt, hehe, dr blick vo dere frou isch so hammr gsi =D

schussändlech hani abr glich no glück gha, gloub vorem laschtwage isches schono aagnähmer gsi aus im/ungerem laschtwage..

und wäge dr polizei.. naja

ich han mal en Verzeigisvorhalt heigschickt übercho, will mich öpper vo de Stadtmusig ZH gseh het e stehendi Kollone vorere Ample überholt zha, und das übere Sicherheitslinie...

...glücklicherwies isch mini zicke denn aber im Service gsii und de Fahrer vo mim Töffli isch de Mech uf de Probefahrt gsii... *autsch*