So, o prüeft isch si

Hoi Zäme
Ha fasch ke zit me gha ists Forum zluege da ig etliche Papier ha müesse nacheseckle. Aber istze isch d'ZXR nach 2 Jahr wider uf der Strass.
Itreit heisi itze Remus Komplettalag 78dB bi 4500 U/min isch scho vorhär gsi, aber nume mit 74db
Spiegler Guss Bremsschibe 2x(Steuet Euch vor 2x )
u bi mir no d'Leitige zuesätzlech.
Leider hani am Weekend nid chöne ga fahre, da si ar Ustellig gstange isch. Si hei 16 Jahr Entwicklig wöue zeige.
Fäut nume no d'Istellig vo de Flachschieber u de isch när auses Guet. sie louft im Momänt ir Grundistellig u das isch no nid so überzügend.
Gruess

Hi Spike

Zitat

Original von Spike
Hehehe geil......musch dänn mal cho zeige :D. Zude Terror-Tuning-Aktion am Rahme wäg de Flachies händs nüt gseit?! oder garnöd gmerkt?

Öhm, Terrortuning, hät ig das sölle zeige?
Nei, das hei si nid gseh. Ig ha schön d'Benzinschlüch links so verleit das me nid inne gseht u uf der rächte Site hani no es bitzeli Gummimatte ine gstopft. Der Experte het nume gmeint, da si chli müeh heigi i de höchere Dräizahle. Logisch mit der Grundabstimmig
Hüt u Morn wes Wätter wot düemer chli mit em Lambdateschter usteschte u tüe de richtig abstimme. Itze louft si obe use so fett, das inner churzer Zyt z'Heck Choleschwarz wird wme se äbe höcher dreiht.
Unger use isch massiv meh Druck da aus vorhär. Flachis uf der H bringe scho einiges u ig bi de gspannt was si ufem Prüefstang drückt. Eventuell de nomau chli nache isteue. Ig dänke nume mit dem Lambda bringt mes nid häre. Aber das gse mer de.
Weni mau id Gägend chume, de zeige ig se dir uf aui Fäu.
Gruess

Hi Peak
Ig Dänke anere Usfahrt oder so. Ig muess de a chli witer fahre aus Angeri.;) Aber das söt kes Problem si.
Ig dänke sogar dra, das ig der Lambdateschter grad verbout la. Chunt druf ab, öb ig no gnue Platz bide Füess de ha we di Sonde drin isch. Dert isches chli knapp wäge de Färsere.
Gruess

Grati zrüg.
Es isch schwirig öppis wo umbout isch z'Prüefe u mängisch muess me halt a chli bschisse u Versteckis spile damit me nid grad gseht was geit.
Gruess