Aller Anfang ist schwer...

    Tschou zämä,
    i mäud mi mau wider.


    Nachdäm ig diä Theoretischi Prüäfig bestandä han, bin ig sehr viu go fährä, so han ig sit dä leschtä 4 Täg 100km zrück gleit.


    Am Afang han ig mi äs paar mau verschaute und mi Töff isch mir einisch vorem Kreisu abgsoffä, aber itz louft ds aues meh oder weniger scho automatisch ab.


    Merci für diä Tipps!


    gruss
    Alex

    @ Porter:
    Du lehr zersch mal strasse läsä!!!!


    :grinning_squinting_face:


    sehr hilfrich isch mitere erfahrene Person gaz fahre, wo dir während em fahre, alli ghfahre zone cha zeige...stei am bode, schlaglöcher, derck etc....


    den wo dir au blicktechnick zeigt. mir het das dr fahrlehrer per funk bibracht. so härä das du muesch luege....heisst:
    Am kurveigang, scho dr usgang gseh, am usgang scho im scheitelpunkt vor nächste kurve sie...immer vorusdänke....die geist set schneller sie, als du fahrsch, denn isch guet.


    äs git:


    Komfortzone
    Lernzone
    Panikzone


    wenn du id Panikzone chunsch, fahr lengsemer....isch den, wenn die geist hindenache flüglt.


    Lernzone, du und die geits sie glich uf, isch sehr lehrrich, macht aber schnell müäd.


    Komfortzone, isch es tempo wo du dr ganz tag chasch fahre, spass hesch, aber nur glehrts awändisch und die nid witerentwicklisch.


    am beste starte me ä tour ir komfort zone, tastet sich den langsam ad lernzone, und geit den wider zrügg id komfortzone :winking_face:


    Grüässli

    Tschou zämä,
    hüt isch es passiert!


    Bi mit mirä schönä Aprilia RS 125 ufe Sack gflogä.
    Resultat: vornä äs kaputtigs Blinkerglass uf dr linki sitä, linki Sitä vo dr Kanzlä isch jetz schön Abgschliffä, linki Sitäverschalig liecht verkrazt. Und huerä blödi Autofahrer, wo blöd due umeluegä anstatt z'häufe.


    Ds aues isch am Mittag passiert won ig vo dr Schuel bi heigfahre um schnäu öpis z'ässä. Uf em Wäg hetz ä Kreisu ka, wo's ä sehrä grosszügigi wiessi Markierig het und dört bin ig angäbläch mit em Hinterrad usgrütscht. I gloub ender ig bi wägänä Bezinspur ufe Sack glofä....


    Daheimä bin i so sauer über mi gsi, verdammt no mau...



    MfG Alex

    hmm scheisse .. jo ebe esch schneller passiert als mer dänkt! glaub esch scho jede mol omgfloge öb met 50gerli, 125er oder metere grosse! mech hez jo au met de aprilia ofe sack ghaue .. jedoch weli han mösse en vollbrämsig mache! so wiet gschrebe hesch esch aber de töff au ned schlemmer kabott .. guet chratzer send sehr ärgerlich anere neue maschine aber ebe zom glöck ned vell meh! ond der esch nix passiert?

    Bang Bang Bang :rock: :rock: :rock:

    ja, das schisst ah!! cha mitfühle mit dir....han en unfall gha letscht jahr, bin eim auto is heck grutscht....mich häts gleit wäg dem scheiss wiisä Pfiil am bode während de vollbrämsig, es isch na nass gsi uf de strass.... isch alles zäme rächt tüür worde bi mir :hmpf: und min töff hät ez na spure vom unfall ade verschalig wo mich so nerved... aber je 450.- für ä siiteverschalig isch mer eifach z`tüür... :wand:

    Mir säuber isch nüd passiert.I dänkä, i ha glich no Schwein ka, ha drum Lderhose nid hanä ka und ha trotzdem keni Schürfigä. Und zum Glück isch mini Machinä nid innes Auto innegrütscht....Irgendiwe han i no Grinweh vo däm Sturz, obwou i gar nid mit em Helm ufe Bode ufprallt bi, naja ga morn no zum Artz wägä mim Hals, wo sich ä chli komisch afühlt (ähnläch wie Äkästabi). I hoffä mau i ha ke liächti Gehrinerschütterig oder so öpis....

    Einmal editiert, zuletzt von stifich ()

    Mich hets au scho tischet, ainisch uf Rollsplit und ainisch uf usgloffenem Diesel uf dr Ideallinie. Und willi halt am Limit gfahre bi, hani de kai Reserve me ghaa. Drum ebe Schutzkleidig. I chume nomal druf zrügg.
    Wichtig isch, dass de wartisch mit ufstah, bis de fertig grutscht bisch. Chasch jo schomal luege, wohär der Verkehr chunnt. Sobald de still stahsch, verloss d'Stross sofort. Falls de no chasch...


    :ugly5:


    Es no paar Afängertips us der Praxis:


    - Heb immer e Kanischter 2-Takt Öl dehaime, damit de chasch nochefülle, grad nochdäm de vo dr Usfahrt haim choo bisch. Kontrollier au s'Getriebeöl und dr Zuestand vo de Brämsbeläg vorne regelmässig. Dis Läbe und das vo dim Töff hängt dervo ab.


    - Kontrollier' der Luftdruck immer bi chalte Pneu. Vorsicht bi neue Pneu, die sind schlifrig, bis die oberschti Schicht abgfahre isch. Uf minere TZR hend Pirelli Sport Demon guet funktioniert. Die sind relativ günschtig und chläbed tip top, au wenns chalt und nass isch.


    - Stell d'Bräms und Kuppligshebel in der Naigig so ii, dass de gäbig dran aane chunsch. Maischtens sin sy viel z'wyt obe (und usse).


    - Es git alti Motorradfahrer und es git bsoffeni Motorradfahrer. Aber es git sälte beides. Gilt au fürs kiffe.


    - Fahr immer mit Vollusrüschtig, also au Ruggeprotektor. Wenn dr'Wäg z'churz isch zum di rächt aazieh, denn ischer z'churz zum dr Töff näh.


    - Wart mit Losfahre 2 Minute, damit s'Motoreöl uf e gwüssi Mindescht-Temperatur chunnt. Nid draaie, bevor de nid 60-65°C hesch.


    - Stütz di am Tank ab, indäm de dini Oberschänkel zämmedrucksch. Das entlaschtet d'Handglänk und d'Schultere (für Sportbikes).


    - Du fahrsch automatisch dört ane wo de luegsch. Also lueg dört ane wo de willsch.


    - Stell dir vor, din Helm sigi e Unsichtbarkeits-Maschine, wo in Funktion tritt, sobald du ihn aaziehsch. Wenn de mit däm Gedanke fahrsch, denn söttsches überläbe, wenn de Mal überseh' wirsch. Dänk an Reaktionswäg.


    - Fahr immer eso, dass dir du dir sälber chasch entgäge cho, oder en Poschtbus, wänn der das mehr Respäkt macht.


    - Fahr nie schnäller als de dich trausch e Vollbrämsig z'mache. Das gilt au für nasse und rutschige Belaag.


    - Fahr in unübersichtliche Kurve nume so schnäll, dass innerhalb vo weniger als der überblickbare Strecki chasch aahalte. Dänk an Reaktionswäg!


    - Mach en Fahrsicherheitskurs. Das macht schnäll und sicher.


    http://www.cornu-moto.ch/d/school.htm


    - Wenn de jetzt nach alle de oobe erwähnte Pünkt no Gäld übrig hesch, legs uf d'Syyte. En Service mit neue Pneu v. & h. und Brämsbeläg vorne choschtet scho mal 750.-


    - Nur wenn de jetzt immer no z'viel Gäld hesch, chasch an Tuning dänke. Zum Byspiel an längeri Spiegelusleger, so dass de au tatsächlich öbbis gsehsch nach hinde. Scheiss ufs ussehe, du muesch wüsse was hinde lauft und basta. Oder Stahlflex-Brämsleitige. Oder beheizti Länkergriff für die chalti Zyt. Dänk draa, es isch nur e 125er. In zwei Johr kriegsch kai Frangge me für all dis Tuning. S'wichtigschte isch Zueverlässigkeit. En luute Uspuff cha di sehr tüür choo. D'Rännleitig isch nöd eso tumm wie de glausch und d'Buesse sind empfidlech. Abgseh dervo masch mit ere lärmende Zwiebacksaagi alli Töfffahrer bi de Lüüt unbeliebt.


    Und zum Schluss no öbbis zum Thema schalte: Wenn de stark beschleunigsch, bruuchsch kai Kupplig zum ufeschalte. Tuesch der Schalthebel mit der Fuessspitze e chli vorbelaschte, denn machsch's Gas schnäll zue und i däm Momänt schaltisch ufe, denn sofort wieder Vollgas. Wänns guet gmacht hesch, gahts praktisch ohni Ruck.


    Jag din 125er Motor täglich es paar Mol in Begränzer, wenn er warm isch, süscht verruesst er. Au scho bim iifahre, jo nid schoone das Ding, sondern flissig draaie.


    So, und jetzt viel Spass und take care.

    Ich lenke also bin ich. (René D. Kart)

    3 Mal editiert, zuletzt von TT ()


    send wörkli paar gueti tipps .. aber das wägem ned de schalthebel zieh wemmer schnell beschlüniget esch das wörkli son gueti idee :confused_face: ! also ich wörd das glaubs nie mache!

    Bang Bang Bang :rock: :rock: :rock:

    es söt schins nüt mache het mer mal eine vom moto mader au gseit aber ich würs für min teil bi mim töff au nie mache. da bini lieber (höchschtens) e sekunde längsämer!


    greez