Aller Anfang ist schwer...

Zitat

Original von stifich
Sälü zämä,
wie dir sicher gseht bin ig ganz neu i däm Forum und i hoffä mä cha mis Bärndütsch guet verstah.

So i ha wöuä fragä wie bi euch dr Anfang isch gsy mit euem Hobby "Motorrad".

Hetz euch am Anfang ou mau gleit mit dm Töff?
Heit dir z'Schautä schnäu dussä ka?

Heit dir süsch no Tipps für mi?

Tschou zämä

Alles anzeigen

Mi vater het töff gfahre und so bi ig uf das cho

uf dschnure bin ig niä keit nur speter mau ines Reh gfahre.

zschaute isch vou easy hesch nach es paar mau schaute dussä

Bin au ehner no en Noiling, aber es fallt mir eigentlich nöd so schwer...s'schalte isch chli üäbigssach, das lernsch aber schnell....

Umgheit bini nur eimal, woni no roller gfahre bin...und zwar inere kurve ufere Nasse Tolle (Aso Gulli, Wasserabfluss, Kanalisationsdeckel weiss nöd öbmer das uf Berndütsch verstaaht )
Aso pass eifahct allgemein uf uf nasse Strassepfiil und Zebrastreife und Tolledeckel.... und uf A******* vo Autofahrer wo zum Teil null respekt hend und eim überholed oni d'Spur richtig wechsle etc....

Vill Spass no da im Forum und alles Gueti ide noie Saison (wo jetzt damminomal endlich mal dürf afange....blöde Schnee )

s'schalte isch easy, das gaht glii in fleisch und bluet übere. abtischet hed's mi bis jetzt 2 mal. eimal mit em 125 uf rollsplit und eimal uf de rennstrecki. chunnt halt schomal vor, aber bi mir isch nüt gröbers passiert. und wenn'd voruusluegsch, chasch d'situation meischtens öppe abschätze. mini tipps:
- wiit voruusluege
- lueg i'd auto ine und lueg wo de fahrer hii luegt
- lueg eigentlich immer wo die andere hiilueged
- lueg eifach huere guet
- wenn'd öppis ned xehsch oder nöimed ned hii xehsch, will öppis im wäg isch, denn isch es grundsätzlich gföhrlich.
- wenn dich öpper ned aaluegt, isch er möglicherwiis en augeblick spöter uf dinere spuur..
grundregle:
- autofahrer xehnd nüt
- fuessgänger lueged nie
- wenn's schiffed, hebt's weniger, aber doch erstuunlich guet.
- im frühlig chas rollsplitt ha
- im herbscht chas nasses laub haa
- ölspure vo irgend eme siffende auto sind grundsätzlich uf de ideallinie
- tolle-deckel (gullideckel,.... (siehe oben)) sind ebefalls auf uf de ideallinie (bsunders wenns schiffed)
- uf blinker (oder ned-blinker) chasch di ned verloh. immer abwarte
... glaub, das wär's fürs erschti...

also zo mim erstuhne hez mi met em roller nie omgrüehrt *stolzdraufsein* :P! jedoch ebe grad chörzlech hez mi met minere aprilia omgrüehrt! mer sälber esch ned wörkli vell passiert aber mini aprilia hez schochli metgno! met em auto wärs zo kem onfall cho det hesch 4 räder ond gheisch halt ned om .. gnue abstand hätti gha .. aber han halt voll ofd chlötz mösse ond gar nömm realisiert dasi d vorderbrems denn ganz döff zieh ... jäjo somet hez mech omgrüehrt :/! also ebe tipps:

- gnue abstand
- be de vorderbrems nie ganz zieh ossert du lohsch grad weder los dases dech ned omrüehrt
- benere korve muesch vorhär scho abbremse das met glichblibendem tempo d korve chasch ne ond denn usebeschlünige
- ebe allg. guet d siutatione aluege (chrüzige, näbestr. etc.) dasd ebe gfohre geshesch
- i dänke mol du hesch schotzchleidig well das esch sehr wechtig bem töff fahre, ebe leider liit mer schnell mol am bode! vo dem här secher jacke, hose ond händschte bruchsch

ah jo no zom schalte .. das esch also en klaks! teil lüt bruche chli länger, teil weniger .. aber ebe esch nor üebigssach ond hesches sehr schnell dosse.

ps: wilkomme im forum ond en gueti saison 06

Zum bremse noo....wennd mal alti pneu hesch, gang unbedingt ganz vill vollbremsene go üebe, will wennd so richtig ufd chlötz gasch verlürsch (je nach töff nachli anders) bald mal d'kontrolle....Entweder rutschtder hinde srad weg oder de töff dreht sich ums vorderrad ume wills blockiert....

Fangsch am beste ganz langsam aa....denn mal geziilt hinde blockiere....mal vore recht drii....denn beides voll...etc...so wis eigentlich im grundkurs lernsch....aber ebe wür na meh üäbe als dete..will bisch den froh wennd chasch voll bremse oni dasdi rüärt....

Bin erst gad letschti in Afzgi miteme guete 50er underwegs gsi und so en Fuessgenger hüpft oni luege (Siehe auch oben) frölich uf de fuessgänger streife woni echt no ca. 25m weg gsi bin....ich ha voll uf chlötz möse und bi öppe 8m gschlifered oni umgheie *stolz* aber das hetti glaub normal, oni üäbe ned gschafft!

es netts hoi au vo mir

nja..afahre..isch halt soo en ufgabe womer ständig verbesseret..au wemers einisch "chan" ergendwie gohtz immer besser..eifach gnueg ehrgizig sii und ned ufgeh..d belohnig wod ja deför öberchunnsch ( s töfffahre ) isch hammer und extrem agmesse;)!!
vollbremsig tueni au ab und zue üebe, bitte vergessed ned wie de grundkursheini gseit het vorezluege mitem blick und det au blibe!
und ja kei angscht haa, wener dir mal imene chreisel ( bem afahre ) abwürgt, isch mer au scho passiert, isch zwar chli gruusig aber jaaa..füfzgerli halt
ich ben mer ständig am vorstelle wies mitere 600er muen sii..main gott..^^

Zitat

Original von Wheeler

ich ben mer ständig am vorstelle wies mitere 600er muen sii..main gott..^^

Scho viel aifacher. Solang de nid Vollgas gisch, wie bim 50er.

No besser gohts miteme 1200 2-Zylinder, die stelle au denn nid ab, wenn us Versehe mol mit Standgas iikupplisch (Harley, BMW Boxer, Suzuki SV, etc.)

Nunja ich ha öppe scho mit 14 de aprilia RS Katalog bstellt cha und ha dann uf di 16i einei wölle (no z D glebt), denn umzoge, erstmal Töffli gfahre. Mit 18 und nach ere laaange Diskussion mit de Mueter (Vater fahrt selber) bin i mini RS ga hole.

jo ebe i sägs jo! s isch ned wörkli luschtig wennd muesch vollgas geh ( und denn bi 3-4000 toure eifach kei power hesch!) .
aber ja..wenigschtens öbbis..i säg nüt gäge mini yamaha *g*

Ja also wennd no nie gfahre bisch denn gang go üebe bremse. zerscht muesch bremse denn gas gä
und gang au mal go bremse wenns nass isch oder sogar schnee het. es isch garnöd so schlecht wenn der s vorderrad es paarmal chli wegrutscht und wennd langsam bisch chasch ja eifach d bei an bode hebe. din töff isch ja nöd so schwer
oder wennd d möglich keit hesch gang au mal chli im dräck go fahre vilich miteme andere töff
das isch au immer guet wenns ums ume rutsche gaht.

Zitat

Original von märy ( . . . ) wennd d möglich keit hesch gang au mal chli im dräck go fahre vilich miteme andere töff das isch au immer guet wenns ums ume rutsche gaht.

I bi bim Jacques Cornu gsi im Dräck go fahre.

http://www.cornu-moto.ch/d/cours/B1.htm

mit Enduros (KTM & Yamaha) und mit Trialtöffe in der Chiesgruebe und im Schnee uf Fäld und Waldwäg.

Das fägt!

Und isch lehrriich derzue. Chani nume empfehle.

Zitat

Original von märy
Ja also wennd no nie gfahre bisch denn gang go üebe bremse. zerscht muesch bremse denn gas gä
und gang au mal go bremse wenns nass isch oder sogar schnee het. es isch garnöd so schlecht wenn der s vorderrad es paarmal chli wegrutscht und wennd langsam bisch chasch ja eifach d bei an bode hebe. din töff isch ja nöd so schwer
oder wennd d möglich keit hesch gang au mal chli im dräck go fahre vilich miteme andere töff
das isch au immer guet wenns ums ume rutsche gaht.

das hingägä würdi mirä RS nid atuä!
1. Absolut kei Reife derfür! Wenn päch hesch houz di im schnee ufä latz bevor das chasch brämse! hehehe

Ou vo mir äs Weelllllcomm im töffforum!

Auso mini gschicht in Kurzfassig! I bi ä chlinä RS Mörder! ha scho 2 nöii RSe i Himu gschickt!
1. Selbstunfall, zu schnell in ne kurve mit Dreck...
2. Kolbenklemmer mit 140 uf der bahn!
2. Wurde mit einem nigelnagelneuen motor von einer Frau abgeschossen! Ich hauptstrasse, Sie vom Stopp aus...

Also meine Tips für dich:
-Gehs langsam an! Immer mit Schutzkleidung
-Schau das du am anfang jemandem mit erfahrung hinterher kannst!
-Besuch ein Sicherheitstraining
-Lies der Richtige Dreh Band 2 (sehr zu empfelen)
-fahr so viel wie du kannst! Fahr "Heimstrecken" sowie einfach mal drauflos...

Das klingt jetzt wie wenn ich etwa 90 wäre und dir diese tips gebe! aber ich versichere dir das sind gute wege wenn dus später mal richtig braaten lassen willst!

Noch ein Gratistip: Bremse ausschliesslich mit der Vorderbremse wenns trocken ist!

gruss