Töffunfall :(

so es paar wössets scho aber de rest vom forum het vo mim onfall noni ghört. am samstig vor 2 woche beni met minere aprilia 125 omgheit. ned ganz dor eigeverscholde ... also d.h. en vw-passat länker het em honda civic wo vor mer gfahre esch de vortritt gno, de civic esch voll ofd chlötz ond ich au ond somet hez mi vom töff grüehrt ond de töff esch am bode no wenig is auto ie grötscht! leider hettmer de mech höt aglüte met ned sonere freudige nachricht! wahrschindlech muesi mi vo mim töff verabschiede ;(!
1. schalthebel esch ab ond blinker (chlini sach)
2. es het mer d verschalig verchratzt ond die link front idröckt (türi sach)
3. d korbelwelle (wo vell z tüür wär) oder kopplig esch beschädiget so dases wenn de motor laufft emmer sones chlöpfe get!

also wenn de mech alles flickt bes ofd verschalig werds mi om die 1500 stei choschte! also wenner korbellwelle muess mache wenns kopplig esch wörds glaub ned so vell choschte! of jedefall hani voreme halbe johr min töff kaufft 2000 stei zahlt ond het jetzt 25000 km droffe johrgang 94! bemer ebe am öberlegge öb sech en rep. vo öber 1000 stei be somene töff wörd lohne ... es fallt mer sehr schwer de töff weg z ge d.h. vellecht chanen em mech ge ond er zahlt mer nochli öppis deför (mössti no abkläre)! aber ebe weni die chratzer nömme wott .. wörkli weder en top töff wott ebe denn muesi d verschalig au no wächsle 500 stei ond s chläberset 250 stei! somet wäre mer of 2000 stei! also weni ne flecke loh muesi mi met de chratzer abfende well das rändiert wörkli nömme! aber ebe weiss au ned öb sechs rendiert 1000 stei före motor uszge! also ebe korbelwelle! was meine der? lohnt sech das?

Greetz -=TS=-

jo ebe dasi hani mer au öberleit chan fasch ned sie! aber es esch halt wörkli woni de töff weder ufgstellt han ond den nacheme ziitli de motor agloh han hetter so komisch tönt! vellecht esches halt per zuefall grad denn an arsch gange aber ebe au vellecht ned wägem storz .. aber das duet jo nüt zor sach! de sprengendi ponkt esch dasi ebe jetzt en schade am töff han vo öber 1000 stotz ondi ned weiss öbi das geld no söll ine 94ger töff iestecke

jo ond weisch i 2 johr oder sobaldi gäld han ond en 600er chan offe fahre .. oder schösch halt au drosslet .. chauffi mer ebe eini! aber schisst mi halt scho ahh jetzt öppe 2 saison töfflos z sie :(! naja werdmer äuä deför en deftig geile charre chauffe .. aber muess no luege

hmm jo weiss au ned ... esch doch eifach en scheiss! han eigentlich dänkt de schade belaufft sech of max. 1000 stei ond denn hättis au gmacht .. aber jetzt doch no rächt öber 1000 stei ... eifach scheisse! weisch hät jetzt mini aprilia no en neuere johrgang wördi au ned so lang öberlegge aber johrgang 94 ond weni sie weder top wott ha choschtets grad nomol sovell wie woni sie kaufft han .. do goht doch öppis ned uf! nei i glaub i muess mi trenne vo ere obwohls mi verdammt aschisst .. aber es rendiert eifach ned!

@ spike, i verstoh ned wörkli vell vo töffmotore! d.h. de roller woni han a dem hani au omgmechet .. de ganz roller usenand gno satz dra ghaue ond alles ... aber jo ich has grad heb chläp häre becho ond s resultat esch en voll gfriisete roller wo aber voll scheiss zuestand het.. öberall fehle chli schrübli ond so, i hamer vorgno met em roller die tuning ond mech sach z beende weli ke bock han ofene töff met scheiss zuestand! dorom werdi de töff secher ned usenand ne schösch brengen vellecht gar nömme zäme oder ebe goht nor no meh an arsch! nei also wenn felecke denn vomene mech! ond jo wäge de teili mössti mol luege! aber ebe esch halt zuu alt de töff ond wie de server gseit het .. ergendeinisch chonnt decholbe .. das mösstmer ebe au no mache, guet wenn de motor scho usenand esch machts de brote au nömme feiss .. wörd eifach no öppe 200 stei meh choschte .. aber ebe eifach zuuu teuer fören 125er johrang 94! also vo dem här warti glaub wörkli ab .. spar ond chauff mer denn of die nächscht töff saison en 600er drosslet! werd mi zwar be jedem sonnestrahl tierisch ufrege dasi kenn töff me han aber jo was wotsch mache .. met dem muesi jetzt läbe! oder jo fellecht chauffi mer scho de sommer en 600er .. han nor eis problem, eigentlich hani mer zo minere aprilia no es easy auto welle chauffe ond jo jetzt muessi mi entscheide, äntweder auto oder 600er drosslet .. aber en 125er chauffi mer secher nömm, ebe das wär jo zu blöd hötzutags!

so also han dänkt informier mol euch weder öber de stand der dinge! han denn do d aprilia weder vom mech brocht ond schalthebel dra to ond sälber weder usbüület (halt ned so professionel aber mer gsehts praktisch nömme)! denn beni no 2,3 woche gfahre ond jetzt esch sie denn öppe äntgöltig före töfffriedhof bestimmt! d.h. ich han vorletzt weekend met de aprilia zomene kolleg welle ond denn het sie praktisch nömme beschlüniget! wemmer gas get beschllünigt sie nor no sehr träg! weiss au ned öb das jetzt öppis met em cholbe z tue chan ha oder öb das ergend öppis anders esch! of jedefall werdi jetzt luege öb öpper no intresse a ersatzteil oder so het ond schösch werd sie entsorgt! well han jetzt no set längerem en r6 en ussecht gha ond so wie's usgseht werdi nxt week mini r6 ha! chauffe wahrschindlech em chips sini r6! somet wäri denn ab nxt woche metere kastrierte r6 onderwägs :P!