Militär????

Zitat

Original von Tom
ha glich no schnell ä frag.
Ig ha ja ir aushegib dr grossi fahrerprüfig gmacht u gschafft.

Muss mä das sicher nomau machä ir RS?
ig hoffä nid, wöu dä sich isch schwierig gsi wiä ä sou, u wenn ig dä nid würd schaffä wär ig när füsu u das würd mi chli.

nei de a test muemer nume eimal mache oder besser gseit mer chanen nume eimal mache.

cu charlie

ja genau so isch es.

und wennd nümm gfigged werde i de wk's muesch halt wiitermache und denn chasch selber zrugfigge, doch defür muesch halt i de kaderschuel einiges über dich ergah lah.....

isch zumindescht bi de sanisoldate zu 100% andersch

Hoi Zäme

Allso ich würdi dir jetzt mal de Verkehrssoldat empfäle, bin jetzt gad fertig worde mit de usbildig in Drognens, und han sommit die grossi töffprüefig
Allso das mit em Verkehrregle isch halb so wild, mer isch einisch in Romont, in Fribourg und dänn no en ganze tag in Bern am Fuchtle, allso ich hans voll easy gfunde.
Zuesätzlich machsch no d ahängeprüefig und bisch würklich vill mit em Puch oder em Töff underwägs. Und so schiesse wie umerobbe und im dräck umetuble macht mer sozäge nie.

Zitat

Original von semmelreiter
tschau zäme... genau us dämm obe erwähnte grund machi ab em 10.7.06 für lengi 21 wuche d' rs als verchehrssoldat.....
ds einzige wome mues mache, isch ir ushebig dr A-test bestah.. ds sportlechä sött eigentlech mit 265 punkt de meiste o glinge..... ja und denä wos nid längt..... bi de füslä hets immer platz

Rotgrüen-Schwach darfsch ou nid si

@semmelreiter Allso D Rs als Verkehrssoldat isch nöd würklich sportlich asträngend.
Und dä mit em usekei allso so schwirig isch das nöd würklich ( D Ahängerprüefig nöd besteh, oder irgend en seich astelle), vo eusere Kp sind feuf zu de Betriebssoldate gwächslet. Da säg ich nur vill spass bi dene

@Neeri Ja sind easy sieche, meinsch jetzt so de Lütnand Zürcher und so?? ab znd zue häts am Kdi chli ghuped aber schust isch er locker gsi

Also was i nit ganz verstand isch:

Ich mach s Militär 10 Mönet lang, also als Durchdiener

Und ich ha in de erschte 12 Wuche folgendes:

Ich bi bi de Sanitätstruppe und mini Funktione wäre Uebermittlungssoldat + C1 Fahrer (kei Ahnig wiso ich 2 Sache beko han, obwohl ich nur han welle Fahrer si)

Und i de restliche Zit bin i denn au bi de Sanitätstruppe und mini Funktione wäre denn Uebermittlungsspionier + C1 Fahrer

Hend ihr Ahnig was do gmeint isch?

ha do mau e frog bezüglech ushebig!

ha jetz de dushebig und wott eigentlech nume motfahrer mache u schüsch gar nüt! wie chani das asteue?! ha weder e vorkurs no schüsch irgendwelchi vorbereitige gmacht!
gits irgendwelchi tips wo me sött beachte um häre zcho..?
wie gsehts wäge leistigsteste us, sportabzeiche?

merci scho mau!

Ich bin stolz uf mis UT!!! .
Hett zwar a de Uushebig no mega gern de Sporttescht gmacht zum luege öbi de Greni gschafft hett, aber si händ mi halt scho vorher heigschickt .

Greetz Boo

sportlich muesch nüd sii für motfahrer.

aber de 4stündig konzentrationstescht mit so pünklti sueche und hebeli und chnöpfli drucke muesch halt schaffe.

de isch meischtens ersch am schluss und wennd denn de nüd schaffsch chasch eigentli nümme guet no eis uf UT mache...das heisst sie gheied di denn dete here wo sie wänd.

also wennd weisch dass di nüd soo toll chasch lang konzentriere und mehreri sache glichziiitig zmache, denn mach lieber grad UT.
Weiss halt nöd was du susch prueflich machsch...aber zum biespiel studente hends meischtens nüd so gern bi de motfahrer...da hend buure und halt lüt wo scho im transportgwerb schaffed oder das vor hend vorrang, well sie wennd nach möglichkeit nöd, dass mer denn jewils nume ei mal im jahr chli laschtwage fahrt und zu heftig us de üebig chunt.

denn chunt no dezue, dass es immer gnueg und eher zu viel motfahrer id RS nehmed, so dass es chli chönd uswahlverfahre spiele. So chans sii, dass es di nach de erschte fahrstund zu de betriebssoldate stecked, wenn de fahrlehreradjutant finded du schaffisch das eh nöd.

aber versueche chasch es natürli scho. susch als alternative C1 fahrer kombiniert mit irgend öppisem. bechunsch halt nachher nume de schii für C1 (bis 7.5tonne und hängerzüg bis 12tonne)

Hey lüütlis

Ich ha no e Fraag und zwar:

Ich wird au bald als Durchdiener ins Militär irücke, jetzt:

Mi Truppegattig isch: Rettungstruppe (wiso au immr)
Funktion: C1 Fahrer DD/Übermittligspionier als 2. Funktion

Guet isch, RS mach grad in Brugg, isch also 40 Min vo mir entfernt, abr nach em RS ka s si, dass i uff Genf odr so muess wil die liebi Sanitäter anschinend dötte sind.

Mi Frog isch: Wieso bin i eso iteilt worde und was muess i genau mache? Ha eigentlich nüt welle richtig Rettigstruppe bzw Sanitäter?

Würd mi echt aschisse vo Basel uff Genf die ganzi 7 Mönet lang und denn verstand i dött nei kei Wort odr wie

so isch es du chasch überall hi cho.

nume sind d sanitätstruppe nüd in Genf sondern im Tessin

de chunsch zu mir under d fittich vom Wachtmeischter Bösci

stationiert chasch denn in Airolo, Ceneri oder Isone werde.

Ussert du wirsch enere Santruppe zueteilt, wo irgendwo susch ir schwiiz isch, doch das sind meischtens kei durchdiener. die sind eigentli alli in airolo stationiert, eventuell no in isone bi de grönis als unterstützigszug