Scooterfahrer

    He jungs, da isch das thema wo ich mal ha welle aschniide..

    letschti wo ich uf trimmbach ufe bin, hend mich es paar scooter und vespafahrer grüesst!!

    und ich ha mer mal müsse überlegge, ob ich jetzt die au söll grüesse, ich mein das sind ja au 2rädrigi.. woher chund das eigetlich, dass sich töfffahrer grüessed?? und söll mer die scooter und so nid ächt au grüesse, ich dänk wänn ich viellicht mal alt bin, so dass ich mis bei nu no so choch krieg, dass ich grad no ufen vespa chum, bi ich au froh, wenn ich glich no das gfühl überchum, neumet däzuezghöre.. nu scho wenn ich im auto unterwägs bi und ich en töff chrüze, möcht ich ihn amigs grüesse :grinning_squinting_face:
    was meined ihr??

    sorry falls sätz chli komisch formuliert sind, bi grad anere abschlussfiir gsii.. :smiling_face_with_sunglasses: rülps

    -=[CARPE NOCTEM]=-

    Ich meine:

    Ich grüesse:
    - Alli Töffahrer
    - Wenn i grad luschtig bi au Trikes und Quads
    - Jede wo mich grüesst

    Rollerfahrer nöd, es sei denn si grüessed mich zerscht...

    So das wär's :winking_face:

    Es git halt bi de Scooterfahrer ungerschide. Die einte fahre wüu si noni dörfe outofahre und für vo A nach B z cho, und die angere wüu si noni dörfe Töff fahre und us Spass ar Sach. Grüesse weti nume die zwöite :winking_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Mir gohts glich wiä am Wildcard.
    Ich grüässä alläs wo mich grüässt und töff.
    Und natürlich sweet ladys :smiling_face:

    Wildcard häsch du nöd no was vergässä was suscht no so grüässisch.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Ich grüesse alles mit 2 Redli (oder quads) mit schaltig. Roller sind für mich ebä Roller und kei Töff.

    SGrüess chunt ursprünglich daher das das mal gheisse hät das frei Fahrt häsch.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Also ich grüesse au nur Töff und trikes und so. Wänn mich en roller farer grüesst und ich no gnueg ziit ha z'reagiere und so, dänn grüess ich zrugg. Aber süsch eigentlich au nöd

    Ich persönliche Grüsse nur die kollegen auf 2 rädern. das sind meistens 50 ccm oder 125ccm maschinen.

    ich werde von andern grossen maschinen eigenltich nicht gegrüsst.

    irgendwie verstehe ich es schon, dass wir scooterfahrer nicht zu den richtigen Motorradfahrern zählen.

    Wie gesagt, ich fahre meinen Scooter, weils mir Freude macht. Und ich habe auch schon einige Pässe hinter mir :grinning_squinting_face::grinning_squinting_face:

    Natürlich freue ich mich auf meinen ersten grossen Töff. :smiling_face_with_sunglasses:

    mfg c7

    Risotto - Patati - Ducati

    Spike de müestisch Vespa-Fahrer aber ou grüese wäge dr Schaltig :grinning_squinting_face:

    Macheni eigetlech ou. Aber me gsets jo nid immer dass es e Vespa isch u kei Roller :face_with_rolling_eyes:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Jo diä grüässer gschicht, ich mein äs git au fäng vill Töfffahrer wo nümä grüässäd.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Zitat

    Original von Milhouse
    Spike de müestisch Vespa-Fahrer aber ou grüese wäge dr Schaltig :grinning_squinting_face:

    Joa, machi ja au :D.

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    Jo ich gib's zue, mängisch grüess ich au Imprezas (die grüessed sich bim Autofahre au). Aber das chunt nur vor wenn i grad sehr gueti Lune ha :]

    Hehe so jetzt isch dussä. :winking_face:

    Nei isch jo au easy, ich grüässä än gixxxer Pilot au andersch als einä ufärä KTM. :smiling_face:
    Bi dem mit dä Gixxxer fahr ich vor ehrfurcht mitäm Hinderpneu über d'Sitäverschalig und bi dä KTM heb ich den aifach dä Fuäss usä... hihi

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    ja und bulle, was säged die eigetlich offizell zu dere ganze sach? so im ruum züri het mi no nie eine grüesst, und wenn ich chli usserhalb bi, vo bull zu bull unterschiedlich.. därfsch überhaupt grüesse, dasch ja einhändig fahre, und dasch glaub nid erlaubt oder??

    und vor jahre, wo mer no 16i gsi sind, het de kolleg mal mitme *klaute* en bull krüzt, de bull het ihn grüesst, und er het ihn nid grüesst.. druff abe het de bull kehrt und isch bim nächschte liechtsignal näb ihn herägfahre, het ihn wieder grüesst, dasmal mitme chopfnicke, wo min kolleg immer no nüt degliche tue het, het de bull s visier glüpft und het en agschnauzt, ob er eigetlich nid grüessi!! min kolleg druff abe mitme herzschlaf vo weiss nid wieviel... hoi.. druff abe isch de bull wieder gange...
    ja ja gschichte gits.. :smiling_face_with_sunglasses:

    -=[CARPE NOCTEM]=-

    LOL gueti gschicht. Ich han au gmerkt, das es vo bull zu bull unterschidlich isch. aber ich dänke i de regel sind au das in erschter linie töff-fahrer, und solang nöd en riiise schlänker ziesch bim eihändig faare, wird wohl käne öppis säge

    Also i grüess au Streifehörnli - Töfffahrer isch Töfffahrer.

    Sowit i weiss chasch du auf em Hinderrädli dur d'Gägend fahre, sofern du i de Lag bisch din Töff immer under Kontrolle z'bhalte.
    Dörft bim wheelisiere no schwär si zum z.B. e Vollbremsig risse. Wenn'd ei- oder freihändig fahrsch isch es scho eifacher, aber im Prinzip cha der glich no eine vorwerfä du hägsch din Töff nöd under Kontrolle und der demit e Buess inebremsä. Isch halt Ermessigsspilrum..