Rückblick: Vor eim Jahr und 364 Täg hät en gwüsse "Squeezie" di praktisch A beschr. - Prüäfig bestande. Das heisst: Morn isch mini 2jährig Probezit abgloffe und somit dä Tag da, woni mer scho sooooo lang herbigwünscht han! Und i däne ganze 2 Jahr hani käs einzigs mal gäge s Gsetz verstosse :engel: (na ja zumindest isch nie en Vorfall bemärkt worde...). Han am Strassi die Wuche no es Mail gschribä, wieni dä neu Uswis Beaträge chan, und zu mim grossä Erstune grad am nägste Tag Bricht übercho :uaa: Mer muess nur en schrifliche Atrag mitem Führeruswis als Bilag ischicke und abwarte. Da ich aber us gwüsse Läbenserfahrige... s Gfüähl ha, dass das Strasseverchehrsamt nöd immer so wahnsinnig kompetänt isch und ich morn Namittag frei han, gangi sälber z Winti bim Strasseverchehrsamt verbi zum das sicher regle. Usserdäm hani scho sehr lang uf de Augeblick gwartet woni eifach zum Strassi ga chan und säge: "Ich het gärn de praktisch Uswis zum all (zueglahne) Töff fahre!" :D :D :D Ich chönt zwar wette, dassäs zersch heisst: "Da müänd si aber zersch en Lärnfahruswis beaträge und über 25 si". Bimene Kolleg ischs ämmel au so ähnlich gloffe... Also: Drucked mer de Dume, dass morn alles glatt lauft bim Strassi. :top:
