Outlook für Fortgeschrittene..

Hallo Zäme.. da es da inne de einti oder anderi "IT-Fuzzy" git möcht ich Euch e Frag stelle.. (au die andere User dörfed antworte, wenn's d'antwort kenned )

Im Outlook tueds mir mängisch gwüssi Adresse selber verfolständige, wenn ich versueche d'Email Adresse manuell iizgeh... und nöd nur bi de gspeicherte "Kontakte" sondern au die wo ich bis jetzt z.B. au nur einisch han iigeh...

Mini Frag: Sind die Adresse irgendwo gspeichered uf em Rechner, irgend imene "temporäre Ordner" ??? Ich möcht nämlich no die einti oder anderi Adresse usefiltere damit ich sie chan speichere...

Danke Virus, aber ich bin leider no keis bizzeli wiitercho.. ich han nüd unter de Ordner gfunde... villicht bin ich au z'blöd für das...

Zitat

Original von ktm625
Mit was für eme Office-Paket schaffsch denn?

Office XP Proffessional...

Zitat

Original von V|RuS
den suech mal uf dinere systemplatte nach *.nk2

han ich... genau mit dem Format... nichts !!

Zitat

Original von Peak
öhm. chönntis si, dass das en versteckti datei esch? denn müestisch zersch dim system säge, dass er versteckti ond systemdateie au söll azeige

Scho gmacht, gemäss d'Support Siite uf em Microsoft Web....

Zitat

Original von 4ska
Gib mol e Adresse im Outlook ii wot wetsch losha. Sobald si dir vorgschlage wird chaschsi mit Rechtsklick - "löschen" lösche... ganz eifach

ich wott sie ja gar nöd lösche... suscht wärs mir ja gliich.. es gaht darum, dass ich nöchscht Wuche de letscht han i dere Bude wo ich momentan schaffe... ich han die einti oder anderi Adresse vo Chunnde wo mir hie und da vorgschlage wird, aber nöd gspeicheret han.. da ich mich am letschte Tag no mitemene Mail möcht verabschiede, möcht ich gern die Mailadresse no usefiltere...

Sehr wahrschiinlich stimmt das mit em "Server Profil"... aber ich bin's ja dihei und im Gschäft am Probiere... erfolgslos..