Also das würd jo heisse das mir nur no müänd Sponsorä organisiärä und ä Strecki bruchäd. 
Aso ich find das Wheeli Training geil...Au wenn dä Neeri keis Bier wör mit mir go trinke weli das gmacht han...Ich find Wheelis hammer...stopies au und Burnouts au..Ich finds sicher au blöd wenns uf dä Autobahn so am umerace sind und anderi gförded..aber usgseh tuets doch hammer chönder sägä was er wönd...
Min Kolleg isch au gad uf Dütschland ane sone Wheeli stoppie Burni Training...bin den gspannt wieviel Ihm das brocht hät...
Moment!
Ha in in keinster Weise behauptet ich fändis nöd geil.
Das ghört sogar au i mis Repertoire...aber nöd uf de Strass.
Und das mitem Bier hät nöd nur mit de Wheelies und Stoppies ztue sondern grundsätzlich mit dene Type.
Mir passt de Biitrag usem gliiche Grund nöd wie de meischte da: Er zeigt genau die Sorte Töfffahrer wos eigentlich nöd brüücht.
wägere rännstrecki müesstmer bim militär aasuuge und so en uusrangierte flugplatz (militärflugplatz) miete ,
Pischte wär scho teered, de lärm vo de flüüger wird nur sälte überbotte und zum schruube häts sicher en hangar .
Also manne bezierzed eue oberscht oder wer au immer !
He monky diä Idee isch gar nöd mol so übel. Eigentlich wirds mir jetzt aber den glaub glich langsam ernscht mit somänä Event... Brucht aifach verdammt vill Sponsorä, aber das würd sich zimlich sicher scho rendiärä...
Hat eine Hacken monky...
..wenn die Plätz mal usrangiert sind gönds meischtens in Bsitz vode Gmeinde und die lueged denn guet, dass de Lärm wos di letschte 20 Jahr gha händ nüm händ...
S'einzig Biispil wos nöd zuetrifft isch Turtmann VS, die gänd alles zum Thema Motorsport
In Zweisimmen gits au nomol so än Platz wo mä so zügs chönt verastalltä. Ich luägä mol öb lüüt findä, wo das ganze würded unterstützä.
De Flugplatz St. Stephan bi Zweisimme wird als Notlandepiste wiiterbenutzt und drum immerna im Bsitz vom Bund.
Han mal mit eim vode Iheimische Modellfluggruppe gredt was die für Theater händ das eimal ide Wuche dörfed Flügerle.
Bin erstuunt gsi das das Jahr es Supermotard-Renne hät chöne stattfinde
Dä Cornu isch jedes Johr äs paar mol dötä und verastalltät so chli "Rennstrecke" trainings, vo dem her chönt mä villicht mit denä Lüüt scho redä.
Edit: Und eigentlich ischäs jo au für d'Sicherheit. ;-))
ich bin letschti am heliport gsi und da het eine sin Ferrari uf em flughafegländ teschtet. dä het das au irgendwie ghscafft. warum chönd mir das nööd???
und de flughafe dübedorf wär echt genial. die hend ja nur no helikopter.
und wegem bezirze vom oberscht....hmmmm würd meine söttet eher chli meh fraue is militär..denn würd das besser klappe 
Probiere chamers natürlich.
Aber vermuetlich isch es Reisli is Burgund ufe bestehende Strecki bedüütend Priiswerter als s'gchätsch mit de schwiizer Behörde..
Jo guät das chönt sie. Aber jo villicht nimm ich das glich mol in Ahgriff, so än mega riiisä Event für Töfffahrer und Tuningfreaks mit 1/4 Meile etc. und big Party am Obig, das würd jo rein interesse mässig sicher guät ahcho. ;-))
ja am afang sicher, doch wenn mer da mal irgend öppis feschters organisiere chönti, denn würdi das sicher wesentlich praktischer werde.
interessente hettis gnueg. mer müssti das ganzi halt eifach chli grösser ufzieh.
ganz autotuningszene und viel moppedfahrer würded e rennstrecki sicher gern hah. und denn vo de ganze bonze wo ihri supersportwäge wend usfahre gar nüd z rede. wennd nur es paar vo dene gwünne chöntisch, denn wär s projekt scho halbe finanziert 
und denn halt gnueg sponsore. die werded sich sicher au irgendwie finde lah, denn so motorsportevents, wo mer sälber au chan fahre sind oft nüd schlächt bsuecht.
Tönt alles sehr schön, nume glaub ich isch das en halbe Fulltimejob sowas z'organisiere ;).
Isch nöd de TCS au irgendwie a sowas dra? Bzw die händ doch sones Gländ für ihri Fahrsicherheitstrainings...
