Wär hett au so en *peep* chef?

mercie für euri antworte.
also so wie ich das jetzt gseh, muen ich erscht ab em 3te arbetstag zum arzt es zügniss ga iihole.
i mim arbetsvertrag isch das ned gregled, somit seg ich gahts nach or und seb, hend mer dozmal i de schuel glernt, seit das mer ab em 3te tag es ärztlich's zügniss brucht.

aber eis guets hett das ganze na... ha na usegfunde das ich na für die 4mönet schaffe 1/3 Grattifikation bechume, will die im arbeitsvertrag schriftlich gregled isch. göil!

han ja denkt ich chönn das thema langsam abhake, aber gitt widermal e neus gschichtli.

und vorweg... mythy und co. leseds doch eifach bitte ned (isch keis gjammer und ich han kei authoritätsproblem)

Han das jahr nach langer abstinenz mal wider e gripp verwütscht. (wahrschindlich hett mi na de böös bauer aagsteckt!) fehle jetzt sitt em zischtig namitag i de bude.

geschter am morge woni am chef aaglüte han das i nanig chan ga schaffe, hett er den so gfunde "isch scho komisch das du JETZT chrank wirsch. (ja sehr komisch wen d'grippewelle umegaht!) und im gliiche atemzug hett er den na verzellt er heg e lischte vo vertrauensärzt wo er den für mich suscht en termin würd mache. s'luschtige isch ja theoretisch müesst ich kes arztzügniss haa wenni hütt namitag wider gächt ga schaffe und er verzellt scho geschter was vo vertrauensarzt und uf dütsch ich seg en simulant.

geschter isch den na de huusarzt verbii cho, hett mer na schnell e sprütze gjassed und es zügniss bis und mit fritig usgstellt, also währ ich eigendlich versorged bis as week end.

s'hett mi den aber doch na wunder gnah wie's mit dem vertrauensarzt usgseht, da er mir ja scho 2.mal demit "droht" hett, also hani schnell na de rechtsuskunft aaglüte. de grundgedanke vomne vertrauensärztliche undersuech chan mer sich ja eigendlich us em dume suuge. lüüt wo immer wider längeri ziit chrank sind und jedesmal e grosszügigs zügniss bechömed oder lüüt wo kündet worde sind und den am nöchschte tag mitme zügniss da stönd, demit mer det chan nahhake, öb da alles i.o. isch oder ned. die vo de rechtsuskunft hett den gfunde ich währi grundsätzlich ned dezue verpflichtet, sie würds aber jedem aarate, s'seg ja es zeiche vom goodwill.

hütt am morge hani den wider laagebricht abgeh und gseit gha: wenns so wiiter bessered, den chani morn evt. wider ga schaffe cho.
und den isch de chef abgange. blabla es evt. seg inakzeptabel, blabla vertrauensarzt, blabla ich ha langsam s'gfühl bringsch dini 100% nimme, blabla hesch gseit gha gäbsch na 100%bis zum schluss, blabla blabla blabla blabla und de ganz vortrag ohni e chance das ich was dezue chan sege.

und da hetts mich s'erscht mal nach dere ziit bi ihm vertätscht.
hanem den gseit gha ich heg mi informiert, vertrauensarzt seg ich ned verpflichtet, ich gäch suscht zum arzt im dorf, will ich ned mag autofahre. de huusarzt heg mer e zügniss gmacht bis am fritig und es seg ja wohl klar dasi kei 100%gäb wenni chrank seg.

und plötzlich isch kei reed meh gsi vo vertrauensarzt und ich düeg en ja eh nur verarsche bla bla.

naja... wirde den mal luege öbi morn wider gang ga schaffe oder ned.

Zitat

Original von SERVER
hesch bi däm peep eigentlich kündet?

jo hani, wirde ja nur na bis am 21.4. det schaffe. genau weg dem hett er jetzt s'gfühl ich mach blau und seg ned motiviert z'schaffe.

er zieht au immer so geili paralelle.
han vor öppä 2 jahr am rugge muetermahl müesse entferne lah und uf krebs untersueche. da hett mich de arzt det au 2 wuche chrankgschribbe und mer usdrücklich gseit ich sell ned voranne ga schaffe will suscht die narbe dur d'spannig am rugge chönted verzoge werde und ned schön heiled. guet ich am chef bscheid geh ich seg den 2 wuche ned im gschäft, er hetts wider ned glaubt, lüted dem arzt a und de arzt seit am chef: ja wüssed sie er chan au nachere wuche wider ga schaffe wenns em guet gaht, ohni risiko.
hütt am morge hett de chef gseit gha da seg ich gänzlich unschuldig. aber als argument für sini bedenke mir gegenüber brucht ers den doch wider.

deepzone
demfall gueti besserig. weiss na wo mini muetter d'wiisheitszäh zieh lah hett. die hett 3wuche sich mitme strohalm ernärt!

und de mit em huusbsuech, seb isch ja na e nachvolziehbari sach, vorallem bi chrankheite wod s'bett muesch hüete, wend den ned dihei bisch isch ja de fall au klar.