Sali mitenand!
Ich bin per Zuefall uf die Site gstosse, bin aber recht froh, dass mir das passiert isch! Ich ha schnell gseh dass es e super Site isch zum sich ustusche! Erfahrige cha mer nie gnueg ha segi mal 
zu mir ich bin 27gi wohne im Züri Oberland also Mönchi um exakt zsii und ich fahre für mis lebe gern Töff! Ich ha e GSX-R 600 gha aber den wieder verchauft. Ez bini mir am überlegge en Töff zchaufe fürd Prüefig Kat. A. Da ich vo vielne Site ghört han das Strassemaschine nöd gern gseh werded, da hani ehner anes Naked Bike denkt, da de Lenkihschlag au sicher grösser isch und Manöver besser gmacht werde chönd. Ha ez in erster Linie ane S1000R denkt will sie mir optisch au mega gfallt und es super Fahrwerk het... grüess danke fürs zuelose
Alex
