@Maini

danke leutz...

muen leider sege, s'isch de verschissnigschti geburri gsi woni mi nur chan dra erinnere.

aber ebe shit happens

wirdes den eu verzelle wenni wider ziit han. muen jetzt na a de kollegin ihres feschtli gah

29.7.05

geburri....
am morge bini den irgendwenn mal ufgstande, d'muetter hett scho mal e schööns tischli gmacht mit gaben aus aller welt druffe
den hani mal zmorge gesse und chli gschenkli usenand gnah.
so vor em mittag chunnt de kolleg verbii, wiso dasi mis natel abgstellt han, mer heged ja abgmacht er phoni mir weg de usfahrt... mal guckt, natel ned abgstellt... natel gspunne. kei aarüef aacho, kei sms, han au ned chönne usetelefoniere. DANKE SWISSCOM!
han mi eh gwunderet warum so wenig sms chömed

guet den hemmer abgmacht inere stund binem. bin den au pünktlich binem gsi, den hett er mer na sin funk iibaut, demit mer eus chli chönd underhalte underwegs:) funk iibaut, ab uf töfflis und los.

plant währ gsi das mer uf pontresina ufe fahred, det obe übernachtet und am samschtig den wider abedüsed, natürlich mit es paar pässli inklusive. mer hend eus aber den druff geinigt det obe schnell was zesse und den wider abezfahre, will s'wetter dermasse schlecht usgseh hett.

mir lostätscht, mis fazit nach 10min fahrt ---> de funk isch absolut unbruchbar. egal, funk dinnelah und wiiter tätscht.

plötzli ghöri uf de autobahn über de funk de kolleg am flueche, luege in rückspiegel und gseh das sini ninja immer langsämer wird, guet den bini uf de pannestreife und ha de warnblinker inedue, kolleg isch den vo hinde aazrolle cho. hehe en rotglüehende chopf under em grüene helm... nette kontrast.
jetzt hettem die scheiss ninja eifach während em fahre abgstellt. das problem hett er scho vor e paar wuche gha, den hends em de map sensor usgwechsled uf garantie. ja uf jedefall hend mer en den wider knapp zum laufe bracht und hend den versuecht ab de autobahn zcho. zwüsched durre hett em de chlapf öppä 3mal abgstellt uf ca 1km weg. den simmer ab de autobahn gsi. er hett sim händler aaglüte de hett gmeint er sell en zumne andere bringe uf landquart. den simmer halt zu dem ufegfahre mit öppä 5 zwüschestops.

de det obe hett den sis diagnosegrät aaghenkt, aber nix druffe. den hett er en warmlaufe lah etc. uf jedefall simmer det ca. 2h oder meh dumm umegstande und s'einzig was de eus hett chönne sege isch gsi das es uf garantie gaht (töff 1jährig) das es was zimmli komplizierts muen sii und das er da ned well mache, da er de töff ja ned verchauft heg. SUPER!

da hett de kolleg sim händler aaglüte, er sell doch de hobbel den bi dem andere det obe hole, de händler hett den aber gfunde das chönn er im verlauf vo de übernöchschte wuche mache, er söll en doch abefahre. SUPER HOCH 2
naja, den simmer überland uf lache abegfahre. zwüscheziitlich hetts natürli aafange seiche jetzt hetts mi den langsam aafange aaschisse, bös aaschisse.
bi dem andere aacho, hett er eus zimmli zügig abgfertiged. mer hetts em au aagseh dases en aaschisst die ninja wider zmache.
ich mit em kolleg hinde druff hei gfahre. kolleg abgladde und mich uf de heiweg gmacht. z'hinwil hetts den aafange pisse und haggle
bin den bim fbb areal schnell drunder gstande und han mit 4 14jöhrige kiffers gwartet bis nimme so fescht due hett, den bini hei gfahre. natürlich bini patschnass gsi dihei.

ja en echt hübsche geburri!

zaabig simmer den na schnell is top10 uf singe und hend chli aagstosse, det isch wenigschtens besser gsi.

ja so da währ mini erzählig über min 23. geburtstag, hoffe die nöchschte jahr wirds wider besser

Oje... tuet mer leid für Dich !!!

Aber chasch wenigschtens nöd behaupte, es wäri nüd gloffe a dim geburi !!

Zitat

Original von LucioGT
Aber chasch wenigschtens nöd behaupte, es wäri nüd gloffe a dim geburi !!

doch am kolleg sin töff isch ned gloffe

jo maini do hesch wörkli ned grad en tolle gebortstag gha .. naja was solls jetzt hesches jo hinder dir ond de nächscht gebortstag werd secher om einiges besser :D!