Prüfung mit 600er

Ja d`Kürs machi grad am Stuck. Und für d`Prüäfig hani denkt wart ich bis next Jahr... denn hani au scho vill me erfahrig und chan vill besser umgah mit em Töff.
Oder isches gschider wenn mer grad nach de Kürs gaht? Nid würklich. Oder??

Hallo!

Das muesch selber wüsse, i finds besser! Han no 1 privat Stund gno bim lehrer. Wenn wartisch, gwönnschder en "solala" fahrstil ah. Eigentli scho guet aber für Prüefig villich ned. Nach de Kürs bisch no voll im Lernmässige fahre.

mfg Thomas

Salüü

Also ich persönlich hett nie zum lerne töfffahre grad en Supersportler kauft. Mitme iistigerfründliche Nakedbike (Suzuki Bandit, Suzuki SV650, Honda Hornet, Honda CBF, Kawa Z750) ischs vill eifacher zum aafange, will die Töff vill me Fahrfähler verzeihed als en Supersportler. Und au wend gern sportlich fahrsch uf de Stross sind die Nakeds meh als uusreichend. Als Aafänger chunsch nämli au bi dene Bikes nöd ad Grenze, also bringt en Supersportler eh nüt. Klar händs meh Leischtig, aber die chunt ersch obe use und chasch uf üsne Strosse eh nöd richtig bruche Usserdem hät sowiso jede Töff meh als gnueg Leischtig und uf die chunts bim fahre gar nöd gross drufah. Dött wo töfffahre Spass macht, nämli uf kurvige Strosse chasch under Umständ au mitere 125er enere ganz grosse Maschine es Wasser reiche.

Zude Prüefig: Vill Spass bim Slalom fahre mitm gringe Länkeriischlag vode Kawa. Brucht recht vill Üebig bisme das chan. Und em Expert machts au nöd de bescht Iidruck, wenn en "Frischling" mitme Supersportler vorfahrt...

@ Chrigi: Vu de Erfahrig här ischs wohl scho vu Vorteil mit de Prüäfig z warte. Vergiss eifach nöd, dass bi A- 2 Jahr nach Bestah vu de praktische Prüäfig di gross "gschänkt" überchunsch. Das isch für mich ämmel sicher d Motivation gsi, das ganze so schnäll wi möglich hinder mich z bringe. Däzue chömed no anderi Vorteil wi Sozius mitneh und schöni Usflug is Usland (z. B. Schwarzwald :P)

Musch halt wüsse wie wichtig dir das alles isch?

also dann will ich doch auch mal noch meinen snef dazugeben:

afange mit ere 05er ninja ZX6r isch nüd guet da

1. isch de töff huere tü, wennd en mal umrüehrsch und das chan würkli mal passiere
2. chasch de a de prüefig vergesse well de für die ganze manöver en viel zchline lenkischlag het.

also ich würd der empfehle mit emene nakedbike azfangem, da die mal chasch uf de bode rüehre ohni dass grad reparaturchoschte vo mehrerne 1000 CHF hesch.

e älteri hornet oder bandit wär dazue ideal. isch au gnueg stark und für d Prüefig viel besser da eifacher's handling im langsamfahrbereich.

d Ninja chasch der denn ja immer no später chaufe. und vielcith bliibsch ja denn 2 jahr bi de hornet oder bandit und chaufsch der denn grad e 10er ninja

Ich au Senf

Also ich weiss jo niid was für Manöver das mer z'Züri mues machä aber die Manöfer won ich d'schaffhuusä han mösä machä sind sicher niid zu schwär für mit emenä Supersportler..... bin amel au mit minärä ZX-7R ad Prüefig.... und fürs Achtifahre,d'Spurgass, dä Slalom und d Follbrämsig brucht mer sicher kein hantlichä Töff .. Bim Auto trülled jo dlüüt au am Stürrad bis d'Servopumpi um gnadä schreit werum söttimä denn niid au mit em Töff chönnä am Lenkaschlag fahrä ? Und wers früener lärnt häts länger im Griff

Gruss Dani-7R

ich weiss ja nöd was ihr für en slalom müedn fahre aber bi ois in züri chönds der wenns fies sind bis zu 2m töggeliabstand ufbrumme und denn hesch aber es echts problem mit emene supersportler.

hans au scho usprobiert und mit ere R6 gahts eifach töfftechnisch nöd well de lenkischlag zchlii isch.

normal isch 2.5meter und au scho da wirds knapp. bi 3meter isch es keis problem, doch das verlangeds leider üsserscht selte.

guet gseit Dani
De Lenker drucke bis an anschlag.
Me sött eineweg nur Leute auf die strasse lassen, die es auch beherschen

lol 230 :uaa: !!! vo wo besch denn gnau??? i ben au vom aargau vo gräniche!

>>er das schaffsch guet osserorts

bin sozusagen sprachlos. Super! Echt, ein ganz toller Junge. Und wenn ein Radfahrer mal nicht aufpasst, ein Kind von der Mutter weg kurz auf die Fahrbahn rennt, ein Reh über die Strasse will oder auch nur der Hund des Spaziergängers der Katze auf der anderen Strassenseite nachjagen will, muss sich so ein Fahrer auch keine Gedanken mehr über Unfallversicherungen und Schutzkleidung machen. Er überlebt es ja sowieso nicht und muss sich dann auch nicht um die Schwerverletzten kümmern. Mal ganz abgesehen von Rollsplit, einem Auto das irgendwo hinter einer Kurve steht oder gar Ölflecken am Boden

Wenn ich daran denke wie viel von meinem ersten Auto noch übrig geblieben wäre wenn ein Motorradfahrer mit 200 reingefahren wäre (war ein Renalut 5), läuft mir ein Schauer über den Rücken. Und dann nennt man es "Raser" wenn man mal mit 90 auf einer Doppelspuhrigen Landstrasse geblitzt wird

Hoffe nur, dass sich der Typ möglichst schnell in die Umlaufbahn schiesst, denn wenn er meine Frau oder unser Baby anfährt, dreh ich im eigenständig die Gurgel um Das man mal mit 100 ausserorts unterwegs sein kann wenn man nicht extrem aufpasst, kann man bei den schnellen Maschinen vielleicht noch knapp verstehen, aber so was hier ist nicht nur ein "Versehen", sondern ernsthaft versuchte Tötung. Denn wer so viel Gas gibt nimmt es ohne Rücksicht auf irgendwas in Kauf das andere Leute dabei getötet werden. Und egal ob einer nun mit einem Gewehr durch die Landschaft knallt oder eben mit einem Mopped, gehört der Sicherheitshalber schlicht weggesperrt. Sorry, aber dafür hab ich NULL Verständnis! (zudem weiss jetzt auch jeder für welche Idioten man eigentlich die hohen Versicherungsprämien bezahlt!)

Marc
P.S.: wer Gas geben will soll das gefälligst auf abgesperrter Rennstrecke machen - da weiss erstens jeder auf was er sich einlässt und zweitens wird jeder Quadratmillimeter geputzt und geprüft bevor man losgelassen wird. Mal abgesehen davon, dass es keinen Gegenverkehr, keine Spaziergänger, dafür grosszügige Sturzräume gibt.

hey marc, du hesch vo a-z rächt...aber was wotsch mit so öpis bezwäckä??? isch doch nur zitvergüdig und abgseh vo dä nervä wo du bi däm textschriebä brucht hesch, absolut für katz! denn öpis isch klar so typ werdets nie und nimmer schnallä, denn si mued wahrschindlich zerscht einä über dä hufä fahrä bevors mal ahfanget dä verstahnd ihsetzä. eifach nur biräweich.
was ich s'tagischä findä, dass so typä no mit so meischterleischtigä gönd bi dä kidis gogä ahgä um beachtet zwärdä!!! trurig aber wahr.......

Jep isch trurig. Aber äbä ich hau mich am 06.08.05 wohrschindlich wieder uf d'Strecki damit mini Gashand uf dä Stross nöd juckt...
Würds dim brüätsch au mol vorschloh.