sodeli, jetzt hanis au na gschafft.
also wiä bin ich zu dem Forum cho...? hmmm de Scooby het gseit, jetzt köri au zude Töfffahrer... tja denn hani mi da mal ahgmäldet. Han zwar kei Ahnig was das bringe sötti aber bitte, ich lose ja uf mini Kollege. tja, was sölli denn na schriibe, han kei Ahnig. Ämel bini frisch verliäbt! I mis Baby, mini neu Kawasaki... JUHHU (mini Muetter hätt ä heide Angscht dasi Müll mach demit...) ;o)
Hallo, da bin ich
-
-
Ciao Isis!
Du chöntsch no es paar Date geh zu dim Baby oder suscht no es paar sache schriibe...;)
Und wäge dim Mami, wänn vorsichtig fahrsch chunnt das scho guet!
Chasch ja dänn mal uf e Tour mitcho!
-
tja wege de Zahle sie isch en 125er, meh weissi au nid...
und mis Mami hät Angscht wänni mit eu Dir und em Linkin gang go fahre... sie häts mer scho verbote. Aber sie muäs ja nid alles wüsse. -
hehehe, debih fahred mir doch ahständig...
P.S. du häsch i dinere Signatur no s'gäll vergässe...
heisst doch "pröschtli gäll"
-
nei hans "gäll" nid vergässe. Wiä macht sich denn das imne Töffforum wenn mer zu de Hobbiealkis kört. Nume "Pröstli" töni nid so betrunke... ;o)
und verklickere das mal mim Mami... -
jajaja... de linkin und ich probieret das dänn schomal und suscht schleickemer dich hald eifach us de hütte!
-
was? das isch mer zhöch... ihr schicket mich us de Hütte? und denn???
-
cool schoweder en frau meh i eusem forum ! Isis welcome im forum, vell spass do inne ond ehhm wend ab ond zue mol ine luegsch wersches ned bereuihe dech do agmeldet z ha :)!
Ps: i luege jede tag mind. 1nisch do ine ond es esch eifach hammer das forum!!!
-
Ja au äs Sali vo mir! Vill Spass im Forum und uf dä Strass!
-
hey. hans au gmerkt dases da wenig Foue hät... tztztztz. diä chömed halt eifach nid drus ;o)
-
@ isis hehe geeenau :D!
-
Hiho Isis
dis mami mues kei angst ha mit eus, mir fahred alli sehr brav und nie z`schnäll
wilkome und mer gseht sich ja bald.
-
Au vom mir es härzlichs willkommen und vill spass uf de strass
Sicher fahred mir alli brav und vorsichtig, mer baued au nie en Unfall
-
hm.. ja das mit dä Frauä isch so ä sach...
Aber herzlich wilkommä bi eusäm schrägä hufä!
-
tj a danke eu allne wo mich da so liäb willkomme heisset. Und ich hans nanig so im Fass mitem Schalte und das verflixte Bergahfare. Naja... au das lerni na... *hoff*