Chönd ihr das au? :D

Also ich schlüss mich gröschteteils am Don Bosco aa... sicher macht ihn sini rebellischi Art attraktiv für "Jungi Spünt" .. au ich finde gwüssi Sache cool... wenn ich aber dra denke, wenn ich plötzlich uf der Autobahn mit 120km/h im Rückspiegel eine mit 300km/h aazschüsse gsehn, würd en gwüsse zorn uufcho.. er tuet ja nöd nur sis Läbe riskiere, aber gföhrdet no es paar anderi.. das isch uncool !!

Über sini Fahrkünscht als "Rennfahrer" oder besser gseit als Rennprofi tuen wott ich mich nöd üüssere..

Zitat

Original von LucioGT
wenn ich aber dra denke, wenn ich plötzlich uf der Autobahn mit 120km/h im Rückspiegel eine mit 300km/h aazschüsse gsehn

so eine gsehsch gar nid, luegsch jo nid ununterbroche i rückspiegu..

plötzlech machts eifacht ratsch und verbii ischer..

im outo geit das no, abr ufem töff isches soumässig gfählech..
verchlüpfsch, zucksch zäme
jo, dr räscht hcöiternech säuber usdänke

i finge das ganze eifacht völlige schwachsinn, dä typ sötsch grad ad wang stöue, und aui wone bewungere grad näbedra..

So, ich find es isch a dä Zit, dass au ich mal min Sänf zum Ghostrider abgib:

Ich han all movies vu ihm (nöd kauft...), wür aber sicherlich nöd säge, dass ich än vergöttere oder verehre. Aber eis muemmer em sicher geh: fahre chaner! Äs isch ja schliesslich nöd nur so, dass er eifach gradus mal ebe gas git. Er häts sicherlich au bi höche Gschwindigkeite sehr guet im Fass, dä Autos uszwiche. Ich dänk das isch gnau das wo vieli Lüt eifach a ihm fasziniert: Er fahrt nöd "eifach nur" uf dä Rännstrecki umenand, sondern im Verchehr. Drum isch einersits viel meh "Action" z gseh, anderersits gseht mer so dä Verglich zu dä normale legale Gschwindigkeite. Äs Moto-GP-Ränne chamer ja immer im Färnseh aluege.

Im 3. Film gseht mer en übrigens mal z Dütschland uf dä Rännstrecki: da gseht mer, dass er au das absolut im Griff hät. Trotzdäm dänki nöd, dass er uf dä Rännstrecki mit dä Profis mithebe chönt. Er hät halt sis eigene Spezialgebiet (Verchehr uswiche etc.). Däfür chämt em en Rossi wohl uf de öffentlichi Strasse au nöd na (ich hoff, es chunt nie däzue...).

Das mit dä 450 km/h glaub ich persönlich. Lut sine Ussage (Spiegel TV Reportage) hät er am Hinterrad 499 PS. Topspeed seg maximal über 450, das aber nur mit dä Verschalig. So wiemeren ämmel i de bakannte Videos gseht, woner di ganz Verschalig weg hät, segeds no 370.

Dass es Formel 1 Auto nöd so schnäll fahrt, isch relativ eifach z erchlähre: 1. Händs au Beschränkige i dä Reglemänt, 2. Gits kei Strecki wos das jemals usnutze chöntet, also legeds logischerwis all Abstimmigä druf us, ä gueti Beschlünigung i däne Gschwindigkeitsbereich z ha wos es au nutze chönd. Het ä Formel 1- Strecki ä 10 km langi Gradi, würi das ganzi sicherlich scho wesentlich andersch usgseh.

I eim Movie gseht mer de Tacho vunere 1000er-Gixxer. Wo de 300 azeigt, zieht de Ghostrider uf äm Hinderredli verbi. Die 320 därftet also durchus realistisch si (ich dänkt sogar äs sind no chli meh). Zum dä Rekord bräche müässti er das ganzi ja offebar ein Kilometer ushalte. Machemer chli Mathe:

320 km/h = 320 / 3.6 m/s = 89 m/s

--> er müässt rund 12 Sekunde im Wheelie verblibe. Im Movie bini leider nie über 8 Sekunde cho bim mitstoppe, mer gsehts aber meistens au nur sehr schlächt. Ich persönlich traus em durchus zue, dassers schaffe wüär.

Zum Heikle am Thema: Söll mer das ganze jetz geil oder chrank finde? Mini Meinig:

Fasziniert häts mi ehrlich gseit scho, woni die Ufnahme s erst mal gseh han. Aber rächtfertige chanis absolut nöd. Dä -=TS=- hät sicherlich rächt: mitemene Auto chamer meh zerstöre als mitemene Töff. Trotzdäm isch das wonär macht brutal gfährlich. Däzue no äs Zitat: "Verletzti hegs bis jetz no nie geh, mindistäns z Schwede nöd..." Ich dänk es isch so ähnlich wie mit Downloads: Vieli vu eus laded alles möglich illegal abe (isch nu mal so ä Vermuetig...), däbi weiss doch jede gnau, dassäs Diebstahl isch. Di meiste versuecheds nöd z rächtfärtige (und chönds au nöd), es isch halt eifach praktisch und gat schnäll. Bim Ghostrider gsehts halt eifach arschgeil us...

Mittlerwile bin ich persönlich meh begeisteret vumene Chris Pfeiffer wo absolut legal zeiged, was ufeme Töff alles möglich isch. Im Gägesatz zum Ghostrider wo als Wahnsinnige überechunt und am Image vu de Töfffahrer eher schadet, stelled so Stunt Rider wi dä Pfeiffer Töff fahre als ä Kunst dar, wo au vu Fraue (sorry, isch absolut nöd sexistisch gmeint ) und sogar vu chline Chind bestuhnt wärde chan.

So, merci vielmal a all wo sich die Zit gnah händ min Ufsatz z läse!

Ich bi absolut offe für Kritik zu minere Meinig!

jäjo de ghostrider, wani no zom thema wot säge:

1. de ghostrider esch jo evtl. eine wo sech met renne uskennt ond erfahrige het demet. D.h. chönnt guet en hobbyrennfahrer sie wos voll droffe het met de korve ond vorallem au de töff voll em griff het (also de töff het mer em griff das gseht mer jo i sine videos). I dänke mol eifach vo sim fahrerische könne ond die töff woner het (tuning ond so) ... esches emu secher eine wo das züüg chli em griff het ond sech deför rächt intressiert. also wenn de rossi ned so vell ziit i sini GP-karriere wörd iestecke chönnt sech onder dem schwarze kombi ond helm guet er dehinder verbärge ...

2. das het ebe scho öppis wo de wolverine gseit het, es esch jo praktisch emmer so dasmer emmer öppis schnällers ond bessers wott ha, ned emmer zom agä aber halt eifach us fun ond ehhm jo dasmer halt die met tolle maschine ond fahrerischem könne cool fendet oder zom teil beniedet!

3. wenn du ned sonen maschine fahrsch, d.h. du besch vellecht no en töffli"bueb" ond fahrsch no em dörfli omenand denn realisiersch gar ned was met somene turbo-teil alles chasch arichte resp. wiet mönscheläbe ofs spiel sezisch, wobi ebe wie scho gseit, er setzt ehner sis läbe of spiel als anderi, well wener of de autobahn met 300 fahrt ond es auto woner grad am öberhole esch goht chli öbere ond rüehrt ehn om, denn chaner sech verabschiede ond jo de anderne sötts ned allzufell mache (abgseh vo de karosserieschäde)!

4. i liebe vorallem em ghostrider sini bulleverarschigsaktione :D! ond die send jo jetzt wörkli ned gförlicher als em don bosco sis racing video :D!

so glaubs das wärs vo minere siite :D!

@ squeezie, hesches gschafft en minute vor mer d anwort inezätse :D! ond no zo dem wo de squeezie gschrebe het, mer gseht jo ebe em 3. film wiener of de rennstrecki fahrt, aber ebe, er wott em verchehr race ond de rossi ond co. halt of de rennstrecki! d.h. er werd secher ned an rossi, oder biaggi oder wer au emmer vode moto-GP härecho weler eifach ned trainiert het för korve ischätze ond so (ossert natürli er esch eine wo sini freiziit emmer of de rennstrecki verbringt, wobi denn fehlt ehm äuä emmer no d routine zom emene moto GP fahrer nochezcho meteme töff met glicher leistig!).

DonBosco da no es video vom ghostrider DonBosco

-muess sägä guets viedo, vo dä qualität und vorallem sehr ahständig gfahrä! mir gseht das mer scho bi normalä fahrwies chan spass ha!!!!

Squeezie:
-muess sägä an ganz guetä "ufsatz" hesch da gschriebä....

Zitat

Original von -=TS=-

3. wenn du ned sonen maschine fahrsch, d.h. du besch vellecht no en töffli"bueb" ond fahrsch no em dörfli omenand denn realisiersch gar ned was met somene turbo-teil alles chasch arichte resp. wiet mönscheläbe ofs spiel sezisch, wobi ebe wie scho gseit, er setzt ehner sis läbe of spiel als anderi, well wener of de autobahn met 300 fahrt ond es auto woner grad am öberhole esch goht chli öbere ond rüehrt ehn om, denn chaner sech verabschiede ond jo de anderne sötts ned allzufell mache (abgseh vo de karosserieschäde)!

ich kenn aj d ghostrider fim au, zumindescht teilstück und die idee mit em schneemobil oder vor de bulle mit em BMX in radar zfahre findi au voll luschtig und chan lang drüber lache, wells ja au zum lache isch, doch mit 300 im wheelie uf de autobahn isch nümm zum lache.

und vowege er bringt nur sich in gfahr....han der da mal es bild zur denkaregig. wett gar nüt wiiters dezue säge, ussert, dass der das bild mal sölsch aluege und mer denn säge, öb mer nid doch öppert andersch gfährdet. (denk au drah, dass das e RC30 isch wo höchschtens 250 fahrt...aber no lang keini 300. und gschwindigkeit nimmt bekanntlich quadratisch zue. also E=mv^2 durch2. also energie= masse (200kg)mal gschwindigkeit im quadrat (300^2=90'000) das ganze no in m/s durch 2 =694'444J energie....das isch brutal viel)

[Blockierte Grafik: http://www.cbf600s.de/crash1.jpg] 
[Blockierte Grafik: http://www.cbf600s.de/crash2.jpg]

DonBosco: doch mit 300 im wheelie uf de autobahn isch nümm zum lache.und vowege er bringt nur sich in gfahr....han der da mal es bild zur denkaregig. wett gar nüt wiiters dezue säge, ussert, dass der das bild mal sölsch aluege und mer denn säge, öb mer nid doch öppert andersch gfährdet. (denk au drah, dass das e RC30 isch wo höchschtens 250 fahrt...aber no lang keini 300.

sorry, aber ich wot dich ja jetzt würklich nöd blöd ahlah, aber du fahrsch fangs eis-zwei jöhrli töff und verzehlsch da, du hesch s'rizzel gänderet das mer chan besser wheelie's machä, oder??? und nachher chunt so öpis wie dä text da obä???? sorry, aber das isch doch total wiedersprüchlich?!?!? bisch denn du sicherer bim wheelie's machä, ob wohl du viellicht nur än drittel vo dä gschwindigkeit hi bringsch wie dä ghosti, aber halt glich unerfahrä bisch???
jaja wot ja dä nöd gross klugscheisserä und viellicht han ich au öpis falsch verstandä....

greetz

Hei Don, wenn i dine Auge de Ghostrider nöd psunders guet cha fahre, den machs mol sälber besser
Dass de Ghostrider en super Fahrer isch chame würki nöd aazwiifle. Aso ich chent nöd innert Sekundebruchteile überlegge dur weli Lugge ich ihm Obigverkehr dure cha und das möglichscht schnell, sicher und ohni dasi um de nögscht Egge en Laschter ramme. Und weme mit über 250km/h umd Autos düüsed bringtme sicher au sehr netti Schräglage hii, au uf de Autobahn. Und e knapp 500 Rössli schwäri Maschine am Grenzbereich chöne zbewege isch au nöd jedermann's Sach. Guet töfffahre heisst nöd, weme dKurve möglichscht schnell cha ne. Sondern au dReaktionsfähigkeit und es abschätze vo brenzlige Situatione (dene isch de Ghosty jo ständig uusgsetzt). Und do chanem würki gar niemert es Wasser reiche. Au ken Rossi oder Gibernau. Wür defür sägä, daser uf de Strecki nöd zude Hirsche zelle mues. Will dött zelled anderi Sache wie uf de Stross. De Ghosty hät doch kei Ahnig vo Bremspünkt aafahre und Ideallinie inere Kurve zphalte.

Teils Aktione vom Ghostrider sind au eifach nume geil. Wener mitm Schneetöff idä Stadt solang sich blitze loht, bis dBulle chömed, oder mitm schwarze Streetfighter-BMX ines Fahrverbot vor de Auge vode Rennleitig fahrt ischs eifach zum hüüle komisch.

Zitat

Original von DonBoscode fahrt ja zu 90% uf de dosebahn.... sölld as schwer siii????

Hm... wenn das nöd söll schwer sii, denn wetti dich mol gse überd Autobahn fahre mit 272km/h Durchschnitt... Ich glaube chum, dass du dich das überhaupt getrausch au wens gar niemert uf de Bahn hät. Do wird nämli au di breitischt Autobahn plötzlich gaaaaanz schmal. So, und ez es ganze no dur de Oobigverkehr. Sorry Raphi, aber wenn du seisch das seg nöd schwär denn zeig mir das mol vor!...

hehe wenn han ich gseit dass ich sritzel gändered han zum besser wheelies mache????

das wär mer noi...wheele chani immer nonig würkli und mues es au nid chöne.

s ritzel hani gwechslet zum meh durchzug becho und schneller de berg ufezcho und das funktioniert au.

de rescht was s wheele agaht isch mer egal. schön wenn mer's chan aber blöd wenn mer dadurch anderi in gfahr bringt.

@4ska

de ghosti fahrt sicher nüd schlscht und sicher 1000ig mal besser als ich, aber trotzdem chan er nüd alles unter kontrolle hah wenn er mit 300 sache über d autobahn ruscht....

vielicht sin töff het er under kontrolle aber das wo die andere autofahrer mached het er nie under kontrolle...ein schwänker vomene autofahrer (nüd vo ihm, denn er chan ja fahre ) und er steckt so imene auto drinne wie die RC30. mit em underschied, dass es nüd vo de siite isch sondern vo hinne und sis turbohayabusa vorderrad vermuetli vorne bi de windschutzschiebe uselueged. denn wenn das auto mit 120 fahrt und er mit 300 chunt isch immer no wie wenn er mit 180 gege e wand fahrt.

und uf de autobahn fahre mit 300 isch sicher nüd eifach....aber in erschter linie isch es für mich eifach wahnsinnig. da ich nüd wahnsinnig bin machi's au nöd......

und da ichs nüd mache chani au nüd säge öb ich's chönt. punkt schluss aus ich gange id ferie

wünsche eu e schöni wuche. han nämli im tessin kein PC. also ghöred er e wuche nüüt vo mir und chönd in rueh de ghosti vereeeehre

spass beiseite

ich finde's immer no doof was er macht. aber egal im endeffekt muess jede sälber wüsse.

hüt isch z.B. en öpi vor mir gfahre mit emene uralte buik, mit de einte pneu mit zviel luftdruck und die ander siite fasch leer.....de isch vermuetli genau so gfährlcih wie dä ghosti. das chan mer au soo gseh.

hey don bosco, wönsch der au en schöni ziit, schöni ferie ond gnüss sie!

ebe so send halt d asichte vom ghostrider ganz verschiede! ond ebe do gebi der jo rächt ond das esch au so, daser sis ond au i anderne eres läbe of spiel setzt, wobi es get soo fell lüüt wo z.b. voll bsoffe oder droff gönd go auto resp. töff fahre ond glich liechtsennig s läbe ofs spiel setze ... vo dem här eine meh oder weniger chonnt au nömme gross drofa, obwohl das jetzt chli makaber tönt! ond jo er seit jo au sälber dasses ehm sehr wahrschindli s läbe choschtet wenn en autofahrer en blöde schwänker macht!

ah jo no öppis, öber die bilder hämmer au scho imene thread diskutiert (vorallem esch ächt de autofahrer oder töfffahrer gschold gsi!!?) :D!!!

@TS

ich glaube wenns ums psoffe fahre gaht sind d töfffahrer eher weniger betroffe.....

also zumindescht ich chönti nid fahre wenni psoffe wär...würd vermuetli grad nach em ufstiege samt töff umkippe und denn under em töff begrabe sii.

und das isch au ganz guet so. us eigeschutz.
söll nüd heisse, dass ichsscho mal veruscht han

bim auto und bim töff sowieso giltet für mcih 0.00000promille. nüd emal es bierli. ich glaube wenn ich denn en unfall mach würd wäri mis läbe futsch, weli mer dauernd vorwürf müssti mache..au wenn i nüd viel trunke hetti. drum lieber ganz iii lah und zfuess gah wenn mer vor het sich zbesuffe.

so jetzte muessi aber denn no chli go packe

jop do hesch scho rächt, aber ebe weisch öppe of wasi use wott :D! jop du gohsch jetzt denn id ferie ond höt esch min letzte ferietag :(! nochär heissts weder schaffe, schaffe, schaffe aber jo es goht jo ned nor mer so ond min 18. gebortstag am 22. september esch no en motivationschub ... denn döfi ändlech mini aprilia af/1 125 fahre .... hey also don bosco, vell spass bem packe ond schöööni ferie :D!