fahsch denn d aprilia offe...also mit meh als 15PS????
würdi unbedingt mache, denn so chasch die 2 johr fahre und denn beaträge uf a unbeschränkt und danach jede töff fahre wod wotsch.
denn isch d uswahl a töff viel grösser als wend zersch no muesch drosslet fahre 
So da no äs (vu mir voll unprofessionel itreits) Zitat vum Donbosco:
"drum hani mer jetzte no es 14er sitzel ibaut. so chumi recht viel schneller de hügel ufe und wheelies gönd au hehe"
Ich dänk mer chan eu beidne chli rächt geh: Dä Don hät schliesslich nöd gschribe, dasser s ritzel gänderet hät WÄG oder zumindest nöd NUR WÄG dä Wheelies.
@4Ska: Guete Post! Ich find au: Es git sicherlich viel Gründ zum über dä Ghostrider motze, aber sis Fahrkönne isch miner Meinig na absolut nöd i Frag z Stelle. Und dur d Rush Hour hetze und Ränne uf ärä Rännstrecki sind eifach 2 Paar Schuh.
DonBosco (falls dänn mal vu dä Ferie zrugg chunsch...): Ich antwort scho mal im name vum -=TS=-
Ja, er wird d Aprilia offe fahre und A- fahre. Das isch einersits im Hiblick uf dä gross Töffuswis viel besser und anderersits chunt minere Meinig na e uf 15 PS drossleti RS oder Futura anere Kastration glich. Ich finds idiotisch wämmer de Pris für ä hochzüchteti 125er-Rännmaschine zahlt und nüt mä dävo hät. Da chauft mer dänn wohl gschider en billigere Töff wo glich viel Leistig hät und vilicht a no chli länger hebed
namal DonBosco:
Findi absolut guet di Asichte zum Töff fahre und Alkohol: Ich find aus, äs möged ja beides gueti Sache si, aber mer därfs nöd kombiniere. Für mich gilt au eifach allgemein: 0.0. Und zwar NÖD wäg de Bulle sondern einersits wäg de andere Verchehrsteilnehmer (klar: mit em Auto chammer i de Regle meh arichte, aber au mit em Töff chamer Läbe zerstöre wänns blöd chunt) und vor allem wäg mim Baby namens Aprilia RS. En Umfall chas immer mal ge, aber ich chönt mers nie und nimmer verzeihe wänns wäg Alk passiert wär.
Leider gits ebe doch Töfffahrer wo bsoffe umefahred. Ich känn es paar flüchtig. Sind zwar "nur" 125er aber würkli besser machts das ja au nöd.
Ich hoff aber mal schwär, dass da im Forum all di gliche Asichte händ wi dä Don um ich!
@ squeezie thx förd beantwortig vo de frog vom don bosco :D!
