Hallo mitenand us Winti!

    LuTrip: Hey! :smiling_face:


    Spark:
    Demfall hemer da würkli die gliche Asichte :smiling_face:
    D'BMW hettmer au mitm ESA sehr zuegseit, grad im Soziusbetrieb ä enormi Erliechterig und eifach genial (de Prüefigsexpert hett extrem es Freudli gha, gradmal en Bonus-/Sympathiepunkt abgstaubt :grinning_squinting_face: )
    D'BMW ischmer au vom Sitz her sehr guet gange, han vo Kahedo die höch Sitzbank montiert gha und eigetli hett alles passt. Irgendwie isch sie aber so BMW-perfekt und usgwoge gsi, dassi öpis pfiffigers han welle.. Irgendwie hani au d'Chettle doch wieder vermisst im vgl. zum Kardan.. Und han denn gfunde, dass wemer scho fahrt und die Möglichkeite hett, denn sölls au grad de Traumtöff sie.. :face_with_tongue: Durch das denn uf d'SDR gwechslet.
    Aber d'BMW staht immer no zum Verchauf und am WE sind paar Intressente da, mal luege.. :thumbup: De Boxer an sich isch ebe scho e wahrhafti Liedeschaft, zwar nur 9 Mönet gha aber au i dere churze Ziit e Verbindig ufbaue (denn no mitm Remus-Topf, herrliche Ton... :love: )


    Ja, d'SDR lauft würkli durs Band dure flüssig.. Muenmi nur chli umgwöhne mitde doch höchere Tourzahle im Vgl. zum Boxer, will de chasch ide 50er mitm 5. Gang schnurre la.. Aber kensch ja sicher vode GS :grinning_squinting_face:
    Und das mitm Gasgriff isch tatsächlich so.. Bisch viel z'schnell ufde 80 obe und muschdi würkli seeehr beherrsche.. Gradno mitm schöne Sound vode Akra wotsch s'Biest mengisch schochli schreie ghöre :grinning_squinting_face:


    SMC hani mir au zerst als 2. Töff überleit gha, denn aber devo abcho willi nidmal d'BMW gnueg han chöne usfahre.. Aber e Sumo wird sicher au irgendwenn mal no ide Garage sta..


    Danke fürde Tipp bzgl. Sitz! Wirdi demfall zerstno probefahre und denn mal luege, will de jetzig Sitz passt mit mine 193 doch nidmal so schlecht.. Und bevor wieder X-Franke i Usstattige investiert wird wotti zerstmal de Fahrgnuss uschoste, will um de gahts ja primär :thumbsup:
    I 2 Wuche gahts denn in Service und denn werdet auno Heizgriff montiert.. Därfmer ide KTM-Rundi scho fast nid säge, aber wemmers eimal gha hett wottmers nüm misse :whistling:


    Hehe sehr spannend, haltisch eus ufem Laufende!
    Bin gspanne wie d'17ner SDR denn usgseht, d'GT isch schomal sehr vielversprechend :smiling_face_with_sunglasses: