Sali mitenand!
Ich bin de Nik, 25i und chume us Winti.
Agfange mitre Super Ténéré, hani en Zwüschestopp bime Boxer (R1200R) gmacht und bin jetzt bide Superduke glandet.
Han sie das Wucheend abghollt und sit det en Dauergrinser druff 
Freumi uf gmeinsami Usfahrte und en intressante Ustuusch 
Cheers!
Salü Nik und 
Cooli Maschine hesch 
, mues der Hammer sii 
Greets und ride safe
Death :thumbup:
Und allziit gueti Fahrt
Strizzi
Sali Nik,
Herzlich willkomme 
Höhö en Dauergrinser hetti au, was du da häsch find ich momentan de geilst Strassetöff womer cha ha. Ktm liebi ja eineweg, aber die paar Mal woni d'SD R gfahre bi händ glangt zum mi devo überzüüge, dass sie es hervorragend glungnigs Biest mit hammer Fahrfeeling isch. Ha ja au en R1200er Boxer, aber es isch würkli ganz e anderi Welt und es super Upgrade 
. Sind nebst em Akra no meh Änderige planed?
Wünsche dir uf all Fäll ganz viel Freud und gueti Fahrt mit dinre Duke, wär cool wenn me sich mal gseht!
Cheers, Spark
Hoi Nik
Herzlich willkomme do im Forum. Ich freue mich no meh vo dir zläse.
Und allzeit gute fahrt.
Gesendet von meinem SM-G930F mit Tapatalk
Salü, Wilkomme und vill spass.
Sali Nik und willkommen im Forum! Schönes bike hast du Da kann man den Dauergrinser nachvollziehen
Schade, dass es schon so spät in der Saison ist, aber der Sommer kommt bestimmt bald wieder
Hi und willkommen - wahrscheinlich werden wir einander mal grüssen auf der Strasse, bin auch in Winti. :thumbup:
Viel Spass!
Sali Niki, willkomme im Forum viel spass mit dim neue grät und phalt dis grinse über dä ganz winter duur :p
liebi grüess usem vorderland
willkommen!!
und viel spass mit deinem Biest! 
Herzliche Dank eu allne für das warme Willkommeheisse & freumi umso me uf nächst Saison mit gmeinsame Usfahrte!
S'Biest fahrt sich würkli sehr ruhig im Stadtverchehr, wenns denn aber sött zur Sach gah denn gahts au zur Sach
Sali Nik,
Herzlich willkomme
Höhö en Dauergrinser hetti au, was du da häsch find ich momentan de geilst Strassetöff womer cha ha. Ktm liebi ja eineweg, aber die paar Mal woni d'SD R gfahre bi händ glangt zum mi devo überzüüge, dass sie es hervorragend glungnigs Biest mit hammer Fahrfeeling isch. Ha ja au en R1200er Boxer, aber es isch würkli ganz e anderi Welt und es super UpgradeWünsche dir uf all Fäll ganz viel Freud und gueti Fahrt mit dinre Duke, wär cool wenn me sich mal gseht!
Cheers, Spark
Jaa das chani nur unterschriebe, Spark! D'SDR isch würkli d'Liebi ufde ersti Blick gsi und han eigetli scho vorde R1200R mit ihre liebgäuglet..
Us gwüsse Gründ vo BMW-Vorteil (Kardan, Elektrischi Modi, Boxerblubbere etc.) denn aber ufen Boxer mit Jhg. 2012 gsetzt (leider no mitem alte Facelift, Budget nid glangt fürde neui)..
Merkt aber scho d'Unterschied wie de Boxer au bi tüüfe Toure sehr ruhig chasch fahre, wo d'KTM eher obedure musch bhalte (was au nid schlecht isch... )
Mit bevorstehender EURO 4-Ifüehrig bime guete Agebot zuegschlage und bereus kein Moment, ussert das jetzt denn bald d'Saison fertig isch unds e rechti Bestandesprob wird sie
Bis jetzt isch no s'churze Heck gmacht worde und evtl. gitts denn no en höchere Sitz (PP) + chlini optischi Sache (Lampe evtl. uf die Orange Version switche, Felgerandchleber, eloxierti Teil, etc.)
Aber vorerst bhaltis schön dezent
Mer gseht sich bestimmt nächst Saison mal!
Cheers mitenand!
Hi und willkommen - wahrscheinlich werden wir einander mal grüssen auf der Strasse, bin auch in Winti. :thumbup:
Viel Spass!
Hey!
Ja auf jeden Fall, falls noch nicht bereits geschehen wird das sicher der Fall sein
Hehe, demfall teilemer das Gfühl. Woni mini SMC R dä Summer kauft ha bini d' SD R/GT go fahre gange 
Bi minre R1200GS bini glanded will ich super uf die druf passt ha, wie du seisch, die BMW-Vorteil, willi sie zum Fahre ha möge und en super Lagerfahrzügpriis defür becho ha. Wieso bisch denn d'R1200R losworde? (klar, bi beid gfahre und d'SDR isch eifach i jedere Hinsicht besser, aber so schlecht isch sie nöd :D) Zchli/unbequem gsi?
Ha bim Fahre de Idruck gha, d'SDR laufi aber allgemein für e KTM sanft, durs Band dure. Und wenn me male ufdreht spiellt de igleit Gang gfühlt näbesächlich e Rolle- das Biest braust ja sowieso miteme herrliche Schnarre devo wie wenn nüt wär Mer brucht scho es fiins Händli zum die fahre- bi mir ischs gern vorcho dass sie denn doch plötzlich chli z'flott underwegs gsi isch D'GT isch zum fahre au super, aber det isch de Motor doch recht weichgspüelt dunkts mi.
Das mitem Saisonendi isch halt doof, aber defür chasch scho bide erste schöne Tage nächst Jahr grad loslegge
Weiss nöd, wies bide SDR isch, aber ich wür irgendwie de Sitz zerst probefahre... Bide SMC häter sich als schlechti investition usegstellt. Aber ansunste, gueti Wahl a Extras, passt alles 1A zu KTM S'Wichtigst häsch ja mitem Uspuff.
Uf nächst Saison isch bi mir neus Rollmaterial planed, und die neue 17er Superduke Modell sind momentan Kandidate uf Platz 1
Wür mi freue!
