Tschou zäme

    Ha mi - so langs no nid z schpäät isch (knapp vor 50gi) - no entschide mit Töfffahre aazfah. Das machi jitz sit em Apriu u ha letschthin d Prüefig gschafft. Leider isch d Uswau füre Töff nid so gross gsi - di meischte si eifach zchliin gsi wed 197cm läng bisch ... auso ä BMW R1220GSA, was söu gross si :face_with_rolling_eyes: Bis jitz isch guet gange u I ha mini erschtä 10'000Km abgfahre.


    U wen-I scho Nöis aafa de probieris doch o grad no mit Aamäudä imene Töff-Forum :smiling_face:

    auch von mir ein Herzliches :welcome: und viu spass hie. Vilicht trifft me sich mal uf ere gmeinsame tour :smiling_face:

    Die höchste Form des Glücks ist ein Leben mit einem gewissen Grad an Verrücktheit.

    Zitat von Spark

    Salüü und herzlich willkomme! Was füren Zuefall, bi au 197cm gross :thumbsup: Schränkt eim scho chli ii bide Uswahl :grinning_face_with_smiling_eyes: gueti Fahrt!

    I wünsche Dir uf au Fäu immer viu Erfoug bim Suechä vo passende Sache :top: , egau was! D Uswau isch meischtens sehr beschränkt wes überhoupt eini het ... :wacko:
    O Dir gueti Fahrt :top:

    Zitat von Tami77

    auch von mir ein Herzliches :welcome: und viu spass hie. Vilicht trifft me sich mal uf ere gmeinsame tour :smiling_face:

    vom SO-Nummereschiud her... bini grad letscht Sunnti gsi: Chasseral (geniali Ussicht) - Gränchebärg (40 km/h) - Balmbärg (25% Stigig obsi). Zersch geniau, nächhär gmüetlich u am Schluss de no ä ächti Herusforderig zum ufä fahre für ne relative Aafänger :smiling_face:

    figi: Ja de Balmberg isch heiss... i fahre ihn gern vo Welscherohr her ufe und vore abe.. mäldisch ni nöchst mal wenn i Jura/Solothurn /Chasseral geisch... chume gern mit.

    Die höchste Form des Glücks ist ein Leben mit einem gewissen Grad an Verrücktheit.

    @Tami77: machi gärn. Isch zwar o nid grad ume Eggä aber doch immer e schöne Wääg. U wemes no mit e chli Scheltepass u Gorge de ... weiss nume was genau ... kombiniert isches super schön.
    Z letschtä Mau isches de no dr Schlusspunkt gsi vorem Heidüüse nach em Col De Tronc / Cold du Lin / Col des Planches udn em Col du Croix de Coeur :thumbup:

    Zitat von figi

    I wünsche Dir uf au Fäu immer viu Erfoug bim Suechä vo passende Sache :top: , egau was! D Uswau isch meischtens sehr beschränkt wes überhoupt eini het ... :wacko:

    Haha ich dir au! Säg nüt, Schuehgrössi 50, z'churzi Hosebei, z'churzi Ärmel, Protektore all am falsche Ort, Töff z'chli, Windschutzschiibe z'churz, spezielli Fuessraste und Schalthebel... Es isch mängisch recht ufwändig bis alles passt :winking_face: Immerhin, d'Tendenz dunkt mich dass Hersteller immer meh grösseri Lüüt berücksichtiged :grinning_squinting_face:

    Zitat von Spark

    Haha ich dir au! Säg nüt, Schuehgrössi 50, z'churzi Hosebei, z'churzi Ärmel, Protektore all am falsche Ort, Töff z'chli, Windschutzschiibe z'churz, spezielli Fuessraste und Schalthebel... Es isch mängisch recht ufwändig bis alles passt :winking_face: Immerhin, d'Tendenz dunkt mich dass Hersteller immer meh grösseri Lüüt berücksichtiged :grinning_squinting_face:

    Und die Tendenz isch scheisse :muaha: , a die chline Lüt dänkt ou niemer :grinning_squinting_face::grinning_squinting_face:

    ~ Some take drugs, some drink bottles, but i solve my problems by twisting throttles :toeff2: ~

    Zitat von Spark

    Isch s'chlinnere Problem... Im schlimmste Fall chasch Chinder- oder Damebechleidig näh :winking_face:

    :muaha: nope und nope :grinning_squinting_face: , meine eher wägem Töff, so vöu Töiferlegge chame die garnid... :neutral_face:

    ~ Some take drugs, some drink bottles, but i solve my problems by twisting throttles :toeff2: ~

    Zitat von Deathsoldier

    :muaha: nope und nope :grinning_squinting_face: , meine eher wägem Töff, so vöu Töiferlegge chame die garnid... :neutral_face:

    :boewu49: Ds Problem isch ds gliich - öb gross oder chlin: Es PASST NIID :boewu41::boewu48::boewu49:
    Höcherlege chasch ne nämlech überhoupt nid :winki: u mit tiefere Raschte, ufgmotztem Sattu (6cm) u höchergleitem Länker bisch nume no bim StVA obschon de eigentlech gar kes Tuning machsch :winke: