Manöverprüfung für "Grosse"-Motorräder

han sie au z'winti gmacht gha letscht jahr

slalom
versetzte slalom
8i fahre (dä erscht chreis dörfsch so lang zieh wiet wotsch, dä zweit mues defür äng si)
spurgass
vollbrämsig und ungefähr uf dr höchi vom experte stah blibä

meh als 1 mal dä fuess abstelle bi allne manöver insgesamt = prüefig nid bestande = heigah = über 100 stutz prüefigsgebühr zahle

bergafahre hani nid müesse.

nachher simmer uf d'autobahn richtig züri, bir Töss simmer use denn dä berg ufe uf Brütten denn uf Pfungen und wieder zrugg zum stva.

du kei ahnig wie das döte heisst, chume ja nöd vo dörte

ja das mit gross und chlinem chreis isch jo einiges besser als wenn 2 chlini chreise müesstisch zieh...

Ich weiss nöd, obs scho mal besproche worde isch da inne... aber händ Ihr gwüsst, dass mer a de Prüefig e Maschine mit mindeschtens 35 kW muess fahre ?? (für die gross Prüefig) ??

En cousin vo mir hät voll id sch**ssi inglanged.. er hätt sich chürzlich so en Chopper Suzuki Marauder 800ccm kauft... de hät um die 40PS... und de Vorbsitzer hät damit die "gross" Prüefig chönne mache.. aber im "alte Modus".. wo mir min cousin letscht Wuche gseit hät wieviel kW sini Maschine hätt, han ich ihm grad s'Herz müesse breche...

Jep das han ich oder mir gwüsst LusioGT das isch voll beschissä, findä das schwer dänäbäd.

jetzt hani emmer gmeint wemmer en 125er het wo meh als 11kw het muessmer d prüefig A- mache ond somet chamer au met dem 125er ad prüefig ... esch das jetzt demfall ned so??? aber das wär jo onlogisch ... jetzt hani de durchblick voll nömme ?

Zitat

Original von -=TS=-
jetzt hani emmer gmeint wemmer en 125er het wo meh als 11kw het muessmer d prüefig A- mache ond somet chamer au met dem 125er ad prüefig ... esch das jetzt demfall ned so??? aber das wär jo onlogisch ... jetzt hani de durchblick voll nömme ?

der durchblick häsch nöd nur du nüme, sondern die vom stva au nöd. besser gseit, die händ en na nie gha...:D de eint seit das, de ander wider s`gägeteil usw...
zum glück hani de scheiss scho ales hinder mir...

@ linkin, jop so esches, well ebe sie ändere jo öppe jede tag eri dräcks meinig ... naja de fahrlehrer het mer ebe gseit dasi met minere Aprilia AF/1 125 (15kw) chan d prüefig mache well sie jo öber 11kw het ond somit zo de "grosse töff" zällt! naja i gsehs jo denn ....

@TS: Wänn ich mich no richtig erinnere, chammer mit ere 125er über 11kw (15 PS) di praktisch Prüäfig A- mache. S Strasseverchehrsamt hät das aber dazumals wo di neue Gsetz ufcho sind tatsächlich falsch erwähnt i de offizielle Broschüre

Si händ gschribe, mer bruchi meh als 125 ccm, meh als 11 kw und muss under äm maximale Gwichts- / Leistigsverhältnis si.

Aber wi gseit (hät mer au en Mech versicheret): d Hubrumischränkig isch FALSCH!

Gits jetz i däm Fall bi dir doch ä Futura und kei RS?

ja genau so isch es de squeezie het recht.

du chasch mit ere 125er wie de aprilia RS 125 wo 34PS het genau so d Abeschränkt prüefig mache wie mit ere drosslete 600er. mues eifach meh als 15PS hah.

doch de ander weg gaht nöd. du chasch also nöd e 250er wo weniger als 15PS het mit em uswies A1 fahre. vo dem her stimmt denn d hubrumbeschränkig scho wieder, doch es git eifach kein mindeschthubrum.

es git nur e mindeschtleischtig und die isch 16PS und maximal 34PS für Abeschränkt.

und für Aunbeschränkt müends mindischtens 36PS sii.

ach so aber @ donbosco, aunbeschränkt muesmer jo gar ned mache wemmer 2 johr a- gfahre isch? also aunbeschränkt=A ond die chonnt mer jo denn gschänkt öber??? ond @ squeezie, jop i han d Aprilia AF/1 125, die het öbrigens 15 kw ond ned 13,88 oder was d rs johrgang 99 het :D! ond ehhm chonsch du öberhaupt ke PN's öber?? hader no gschrebe .. easy schrib der no es mail weld jo äuä weder rächt lang ned em forum verbi luegsch :D!

ja genau also wenn du i dem fall mit dinere aprilia wo ja 15kw het de Abeschränkt uswis gmacht hesch muesch 2 johr fahre und denn chasch beaträge, dass de Aunbeschränkt bechunsch.

ohni wiiteri prüefig. doch derfsch der i dene 2 jahr nüt all zu schlimms zu schulde cho lah.

aber die meischte wo e 600er maschine hend und Abeschränkt hend eh nur im uswiis 25KW/34PS. am hinterrad isch es meischtens 3 bis 4 mal meh

ahh ok demfall stemmt das doch, denn ben i doch grad beruihgt :)! cool, ond jo i werd mer müeh ge dasi ke dommheite mach :D!

Also fals no öper intressiet: Ich bin am Fritig a de Prüefig gsi und de Parcour isch nid so schwer

Spurgass 10m in mindestens 15s
grade Slalom mit 6 Töggeli
und es 8i fahre (isch fasch s schwirgste wen en Töff hesch wo z wenig ischlag het )

nocher no e Notbremsig us mindestens 50km/h das heisst Vorder UND Hinderbremse.

Nochier musch nu no hoffe das der en möglichst schlanke Expert hinedruf hockt

Aber öb bestande häsch, häsch jetzt nöd gseit.
Aber so wie du das schriebsch häsch sie bestande.
Also ich Gratuliere dir mal