Was losed ihr ???

Bi mir isches immer chli abwächsligswiis zwüsched: Discohouse, House, Techhouse, Techno, Minimal, Acidjazz, Chillout, DnB und Metal

Ich losä guätä Sound Ich weiss sälber niid was das genau isch ... entweder äs gfallt oder es gfallt niid aber Ich chan mich niid für e bestimmti Schubladä entscheidä Aber grundsätzlich äso 70 er 80 er Pop und 60er 70er Rock oder Metal us dä 80er eso modernä Metall gfallt mir irgendwie niid ...... aber au do giits wieder diä usnahmä Hip Hop find ich niid eso toll usser tonloc oder run dmc und als wo eso i diä richtig goot

Gruss Dani-7R

GOA und RaVeR ?

Tja ich verschribä mich zimlich am Sound mit denä 6 Seitä instrument, egal ob Metal, Punk, Crossover oder ähnlichs, find ich alläs geil hauptsach äs goht ab wiä d'Sau. Ich mein wen schomol einä Boy sets Fire glost hät oder Killswitch, ich mein was will mä meh???

Was bi mir aber isch, ich chan je noch stimmig alläs geil findä, richtigä HipHop oder chli Trance i dä Discos, 60, 70, 80 a edle Party's alläs egal, hauptsach äs passt. tja so bin ich halt.

ich lose meischtens so vierzlinder sound

Bin eher de Einzylinder Junkie.
Aber sust los ich eigentlich fängs alles, was vor 3 Jahr nur Techno gsie isch, hät sich mis ghör recht veränderet. Es muen eifach guet sie und Sinn ha

ich schlüss mi do meh oder weniger em 1. teil em toretto a!! Gitarre sound esch halt emmer no de wahr sound för mech, 6-seiter send geil, 7 seiter send no besser :D! Also ich lose hauptsächlich metal, ond zwar so zemli i jedi rechtig, also heavy metal, melodic metal usw., wobi denn so rechtige deathmetal womer ke melodie me useghört fendi au ned so toll. @ toretto, guete gschmack met killswitch engage :D! jo ond hip hop naja .... get ab ond zue mol es guets lied, aber die gangstaa hip hopper verabscheui!! be trance esches öppe glich, also au ab ond zue jedoch eher selte es lied woni säg, mol tönt no easy :)!

jo was söli do säge. ech lose eigentlech fast alles. so langs ned ländler oder moderne jazz esch.

aber am meiste losi Rock, Metal ond alles was so e die klass ie ghörtz. ond denn rock'n'roll rockabilly ond hilbilly

denn no chli blues ond black music. hiphop aber nor die alte stock. so ICE-T ond Run DMC ond so sache.

jo esch scho eso en sach met de musig! aso i schlüsse mich sehr stark em Dani ah! lose eigentli alles aber wani ned gern han eshc wenni es lied 6 oder 7 mal am tag ghöre so wie be gwüssne rasiosänder, de löscht mer s geilste lied ab!

oldies esch natürlich schoggi was ich no vell lose esch schwytzer mundartrock fendi no QL hehe wasi no gern mache send berühmti felmsounds sueche! da fendi no lustig und chömed no gueti sache use!

cu charlie

Also ich lose eigentlich nur Trance und ab und zu e chli Goa. Nur leider widerholt sich de Trance fast nur no, es git eigentlich kei geili lieder me
Doch au gäge 60, 70 und 80 han ich absolut nüt, binn dänn immer im Abart azträffe wänn das wider mal lauft

Chami da grössteteils eu aschlüsse:

Los a zimli quer durs Band e chli all Stylrichtige und suech mer überall s Best use.

Momentan losi aber hauptsächlich Freedom Call und vor allem Nightwish (gueti Wahl DeepZone )

Freu mi a scho uf s Live-Erläbnis Nightwish de Samstig z Frauefäld!!

Isch süsch öpper vum Forum i nägster Zit unterwägs a irgendwelche Open-Airs?

Ich gang ebe das Weekend uf Frauefäld und i 2 Wuche uf St. Galle!

@ Milan: Eizylinder tönt a guet