Verschalung

swisscomposite

do fingsch aues!
vo glas über carbon bis glas wo usgseht wie carbon

chunt drufa was für chreft hesch, de würdidr drum unger umstände vore glasfasermatte abrote und glasfasergwäb as härz lege
wobi, abdr schale hesch jo wou nid grossi chreft, de rotidr zum günschtigschte

bim chläber bruchsch eifacht e harz und e härter.. böh, ha bis jeze nur eine gha, weiss nid öbs do no x-tausig verschideni git..
Ig ha Epoxydharz

und de brucht das ganze zimli zyt, das teil wo mir hei brucht bi 20°C 24h zum usherte

Edit: jeze geit sogar d site

bire glasfaser matte si d glasfasere eifacht wirr dürenang düre, wie bimne täuer spagethi
und bim glasfaser gwäb si d glasfasere gwobe, glich wie stoff..

weiss nid, abr gloube fasch uf dr site vode swiss composite söt öpis drinne stah.

eigentlech esch jo scho alles gseid.

ech ben dozumol en hornbach en littau ond ha det eine gfroged wo, dass das laminat züg esch, ond was ech bruuche.

2 komponäntehart, mattene ond pensel.

so emene hobby ond boumärt chönt die der secher säge, was du bruchsch. chauf eifach ned en normale pensel för das züg. well dä chasch nochhär wäg rüere. es gäb do agäblech spezielli laminierpensel wo 0.50 Fr. choschted s stöck. esch de ned ganz so tür

also wennt no froge hesch, eifach froge. wennt de das züg hesch ond met de aleitig ned drus chonsch, chasch di de jo mälde.

böh jedem das seine, i verstoh haut jeze nid s gliche drunger

btw: anstatt e pinsu geiz ou guet mit sone roller, die chline cheibe usem boumarkt, wome cha d roue wächsle, die si nid so tür und me meus nid geng nöi pinsle poschte, usserdäm hani gmerkt dassesmer mitem pinsu s gwäb chli verzoge het!

und wägem stabiu si und so:
Wenn a latz flügsch isch jo d schale eh futsch, de chame ou no weiss nid wie vüu gäud i carbon schmeisse damit när glich e nöii schale bruchsch

Nitro:
Jo. De Jumbo chönt so züg ha.