Schalenbruch

tja. so chas go. wennt met z'vel schwong of de töff uf stiigsch ond dä ned rechtig stod, denn chasch ne grad weder of die ander siite abe legge

so geschehen am 8.Mai am morge am halbi 7i wommer a d'love ride hend welle go.

noch dem ech mech de abgregt han, chönd d DeepZone froge we fescht ech mech ufgregt han, ond mer de töff weder ufgstellt hend, mues ech feststelle, dass d schale broche esch.

naja shit happens

guet. gester obe mol d schale ab gno ond das ganze beguetachtet.
[Blockierte Grafik: http://img138.echo.cx/img138/6822/schalenbruch062qg.jpg]
[Blockierte Grafik: http://img138.echo.cx/img138/8121/schalenbruch056vx.jpg]

woni denn das gnauer of de röcksiite a glueget han, esch mer sofort klar gsi, weso d schale glo hed. die esch genau dete scho mol broche gsi ond onfachmännisch eifach met e chli liim täme kläbt worde ond nöi laggiert. die hed jo müesse lo.
do no öpis a dä wo die schale mol gfleckt hed ->

naja. es söll schlemmer säg. demfall mol d schale zäme kläbt:
[Blockierte Grafik: http://img138.echo.cx/img138/3820/schalenbruch049nf.jpg]
ond d'röcksiite botzt, agschleffe ond met nitroverdönner vo fett ond anderem dräck befreit.

laminat-mattene zwäg gschnette, harz ond herter gmescht, ond das ganze mol süferli uftreit:
[Blockierte Grafik: http://img138.echo.cx/img138/8176/schalenbruch030xd.jpg]
[Blockierte Grafik: http://img138.echo.cx/img138/3599/schalenbruch028da.jpg]
[Blockierte Grafik: http://img138.echo.cx/img138/7851/schalenbruch015cq.jpg]

höt morge de das ganze go beguetachte ond siehe da. es hebet
etz muese de en ress of de vordersiite no en chlini nuet mache, ond das ganze met spachtelliim fölle ond zom lagger brenge.

ach jo. wenner mol d'farb för öiche töff sueched:
guckst du hier ond denn of spezielle suche.

weni denn de ress no gnuetet ond gföllt han, denn chömed de no wiiteri beldli. zerscht mues ech etz aber mol en lagger gfende

a jo. no öpis. weiss öper, wemer usghertete harz weder osemen gscherli use brengt? bzw wemer de pesel weder suber brengt? hane glaub chli lang lo sto

Zitat

wägem lagger..wie gseid... evt wör sech do was lo mache..müesstischs nor säge..

jo no so gärn. ech werds der dä säge.

mues aber no en nuet mache, das ganze met karosserieliim fölle, abschliife ond usspachtle.
mol de vater froge, was ond wie mer das genau macht.

hallo robin

jo esch 2k chläber. hmm. denn tueni de pensel mol chli met em hammer bearbeite. velecht chani das züg chli zertrömmere, dass mer de pensel wenigschtens weder zom laminiere bruche chan.

jo ech han d schale zersch met 100er schliiftuech a gschleffe. wär jo scho scheisse, wenn mer plötzli s laminat ab gheit

öhm. s problem met de schale esch, dass es en glasigi esch *g* werdes mol probiere. danke.

hmm. spike, d idee esch jo scho guet. we heiss muesch denn das mache? ech froge nor, well wenns z heiss esch, denn verbrönnt mer jo de pensel

150° ond dröber`? do chamer de jo scho fasch en zigi a zände

ok. demfall esch de pensel halt futsch. hal so weld. es ged schlemmers. wenni zbs de fenger am pensel gha hätt woner usghertet esch