Isch de Hammer, Shell hät eifach d'98ger Süüle dur VPower uusduuschet. Ich meine 98ger isch ja oftmals scho fragwürdig, aber 100er? Wer brucht das?? De Gipfel isch ja no dases 10 Rappe tüürer isch pro Liter. 
Also ich han glaubs sletscht mal döte Tanket 
genau das hani am wocheend au gseid gha. mer heds doch fascht eis gä, woni a de süle gsi be ond gseh han, dass d 98er nöme ome esch.
aber zom glöck geds jo no ganz e huufe anderi tankstelle 
ech ha s gfühl, dass sech shell met dere strategie es eigegoal gschosse hend.
Das ganze händ mer am Samstig (glaubs) au bemerkt....ech fends scho ned grad die fein Art...aber da ech 95er tanke esch es mer eigentli egal 
Es zwingt eim jo niermer zu dene go ztanke 
Original von Milhouse
Es zwingt eim jo niermer zu dene go ztanke
das jo scho ned. nor fend echs scho chli fräch, ohni öbis z säge, eifach d 98er süle ersetzte.
I finds au en Witz. Diä 2 Oktan mached jetzt sicher nöd so wansinnig viel us. Wänn 103+ hett, ok, aber 2!?
Und leischtigsmässig merks me eigentlich nüt. I han di letscht Wuche na glück gha. Sie händ scho V-Power i de Tanks gha, aber d'Säule sind immer na mit em 98er ahgschriebe gsi. So han i V für de 98er Pries chöne tanke. De Typ a de Kasse häts mer dänn gseit :D. I hets gar nöd gmerkt. Aber ebä, git ja nöd nur Shell. 
Werum isch das fräch 
Es stat doch sicher a de Süülene was drinne isch!
jo klar stods. es esch nor so, dass es vel fermene ged, wo de metarbeiter shell-tankchartene gänd. ond es send doch rächt vel lüt wo 98er be shell tanket hend. ech weiss jo ned, öb die ganze fermene do fröid hend, wenn etz so vel lüt v-power tanked wo 10 rappe me chosted pro liter. ech dänke, das macht doch rächt vel us
hmmm, händ dänn diä Firme-Type all Porsches das's müend 98er tanke?
ned werkli. weni die ganz gschecht met den oktan rechtig verstande han, denn lauf das so.
es chond drofa för was de motor bouet esch. also 95er oder 98er. wenn denn das tanksch wo de mocke deför bout esch, lauft er sehr suuber. wennt etz aber ene 98er mokke 95er ine losch, denn heder me chlopfgrüsch. genau das selbe omgekehrt. also brengt der bemene normale motor 100oktan genau nüd. wennt aber en werkli hochzöchtete motor hesch, sprech prosche, ferrari, lamborghini oder weiss ech was, denn chas si, dass der die 100oktan e chli öpis brenged. ev. a leistig oder denn halt, dass de motor ruhiger lauft.
hmm. wenn ech falsch legge, denn bitte korrigiere
Het den das VPower zügs schomol einä vo eu probiert?
@ peak
hesch rächt.
meh oktan bringed nüt, weniger chönd leischtig choschte. die meischte motore hend allerdings chlopfsensore dinn (mine clio sport brucht au 98 ), und wenn weniger oktan ielosch hesch vilicht weniger leischtig. in italie gits nur 95 oktan. ich ha denn gmerkt, dass de chare weniger zieht.
im düütsch hend's ja das v-power scho lang. und i allne fore wo das besproche worde isch, isch de tenor eidütig: bringt absolut nüt. isch also reini abzockerei. vor allem will, wie de peak scho xeit hed, all motore, usserd supersport wie ferrari oder so, mit höchschten 98 oktan fared.
die meischte japaner chönnted au mit 89 oktan fahre (gits bi eus gar nümm)
Also was ich ganz sicher weiss isch: Meh Oktan=meh Power.
Aber wännt es 60PS motörli häsch und 98 stadt 95 tanksch häsch nachher vielicht 63 PS. Aber das bringt der genau nüt. Aber wännt en 500 PS Karre häsch chans dänn schnäll mal 20-40PS usmache.
Han mal mal en tunete Mazda RX-7 gseh. Normal ca. 560 PS, aber mit Rennbenzin (hät glaub 103 oder 105 Oktan) chunt er uf ca. 720 PS!!! Aber uf de Strass bringt der das gar nüt.
Also ich glaube, wännt bimene 98er Motor 95 tanksch macht das sicher nüt. Aber wänn en Motor maximal 95 vertreit isch ev. nöd so guet, wänn d'Explosione chli stärker werded.
meh oktan bringed nüt, weniger chönd leischtig choschte. die meischte motore hend allerdings chlopfsensore dinn (mine clio sport brucht au 98 ), und wenn weniger oktan ielosch hesch vilicht weniger leischtig. in italie gits nur 95 oktan. ich ha denn gmerkt, dass de chare weniger zieht.
-----------------------------------------------------------------------------------------------------------------------
Mercutio
han au än sport, jedoch han ich bi dä leischtig nüt gmerkt vo 98er zu 95er, aber dur das, dass dä mokkä unrühiger lauft han ich mit äm 95er meh spritverbruch und vorallem bi stadtfahrtä...das ha ich no bemerkt. wie ischs bi dir vom sprit verbruch her????
@Sugi
Das wäg em Spritverbruch han ich au scho ghört. Will'd mit em 95er e chli weniger leischtig häsch muesch halt chli meh drucke bis de Speed häsch. Vo dem här wür's ja gar nöd druf ah cho, öb me 95er oder 98er tankt. Schlussendlich zahlt me öppä gliech viel.
