Gits en Index für Töffnummere ???

Zitat

Original von maini

warum echt?

wills niemert will wüsse

Alles anzeigen

das will i jez mal überhört ha heinz

Zitat

Original von Mercutio
so, ich schicke mis sperrigsformular no hüt ab. isch je ned zum glaube. wett jo ned wüsse, was passiert, wenn ich irgend somene agro-jugo de parkplatz wegschnappe

säb isch würkli es rächts Problem, dur s'eifache abrüefe im internet isch d'hemmschwelle viel gringer für d'lüüt als wenns alüte müesstet oder än Brief schriebe as stva. Heisst wennt mol irgendeme Psychopat ufe sack gasch und dä nöd so viel vertreit hesch denn bald emol eine wo dr s'läbe zur höll mache chan, nur will er ganz eifach usefindet wo du wohnsch. und als töfffahrer gömmer dä autofahrer ja tagtäglich ufe sack.

dä arbetskolleg het die neu art vom nummere abrüefe scho müesse erfahre, resp. sini Frau het plötzlich es telefon vo irgendsomene tubel mit profilneurose becho wo sich über dä maa het müesse beschwere wo ihn usbrämsed het. und das chas nid sii, dassd wäg so banalitäte plötzlich beläschtigt wirsch....

So chance muesch nutze zum dis Verhalte erkläre. Do muesch cool bliibe und dere Person rote mol en ärztliche undersuech mache z'loh weg verkehrs-tüchtigkeit.
Ha eimol e diskussion gha mit eme Autofahrer, sin Puls isch no viel höcher gsi bim wegfahre wie wo er mit rotem Chopf anegfahre isch..

Er isch abgfahre mit quietschende Reife und i de nörchste Kurve het's fascht klepft. Wär ihm am liebste nohgfahre und het ihn gad nomol chli mit ruhige Wort aber unmissverständlich uf sini fahrtüchtigkeit hiegwiese..

Ha aber erstens nöd chönne wiiterfahre, wills mir d'Kette verrisse het (nur dur das isch es au zur underredig cho, süs het er mich gar nie igholt).
und zweitens han ich ihn jo nöd wölle inen Herzinfarkt triibe.

Zitat

Original von Hypi

das will i jez mal überhört ha heinz

stimmt detlef... d'ag nummere müend abrüefbar sii, die fahred so schlecht, da muen mer schnelle zuegriff ufs verzeichniss ha

glaub weniger das so en gstörte gaht d'nummere ga nahfrage! wend würklich en psycho hesch, den wird de dir nahfahre oder nahlaufe wend em de pp gschnapped hesch. denke wer nix z'verberge hett, muen sich au ned verstecke...

chönnt jetzt da au na so e gschichtli verzelle vomne weiche mensch wo eus nahgfahre isch:) aber kei ziit... pizzaboy sett jetzt den cho

gits für BE nummer ou öppis? ig fahre drumm eini hihihihi

Zitat

Original von maini

glaub weniger das so en gstörte gaht d'nummere ga nahfrage! wend würklich en psycho hesch, den wird de dir nahfahre oder nahlaufe wend em de pp gschnapped hesch. denke wer nix z'verberge hett, muen sich au ned verstecke...

chönnt jetzt da au na so e gschichtli verzelle vomne weiche mensch wo eus nahgfahre isch:) aber kei ziit... pizzaboy sett jetzt den cho

und ob, ich denke das wirsch jez viel meh erläbe dass dr irgend än tubel alütet wäg irgendwelche lapalie. Klar chan ich ihm isi contra gäh und ihn echli als dumm darstelle. S'Problem isch würkli dassd nie weisch uf was für eine dassd stossisch. Stell dr mol vor du hesch chind und plötzlich holt die öbber vo dr schuel ab?? scho mal öbbis vo Rache ghört? Es git meh psychisch labili Mensche als du denksch und ich dänke me sött söttigi Persone nöd füetterä sondern ihne dä Wäg zum Fueter möglischt erschwere bzw. verunmögliche.

das mitem buude usraube isch zwar schwierig zum beurteile aber durchus au realistisch. d'Hemmschwelle über Internet isch jez halt eifach viel gringer und für öbbis het mer dä Dateschutz erfunde und nur will Lüt dänked es giech sie nüt aaa wäreds doch froh, die Date wäred nid so eifach abrüefbar wenns mol ine verfänglichi Situation gratet.

naja, also ich bin da anderer meinig... labili mensche wo sich weg irgend ere lapalie im strasseverkehr wend räche, die fahred der 100% nah. wend sie abhenksch, hend die dini nr sicher ned gmerkt. oder wievil mal hesch du dich grausamscht über öpperd ufgregt und hesch nur aasatzwiis dra denkt dir die nr zmerke, demit du nachene bim strassi de halter chasch ermittle? gsehsch ja da inne das die meischte kei peilig hend wo mer sone nr. im netz chönnt ga nahluege. wenn mir kei peilig hend, wie sell den sonen psychisch labile so was usefinde?

und weg de iibrüch. glaub wenn e mindeschtens 2 chöpfigs duo en iibruch so plant, den muen aber nach usse ersichtlich sii das det was z'hole isch.
die meischte iibrüch bi eus ottonromal verbrucher sind doch unplant.

es git efach zvill möglichi nachteil, wo sich für mich ergänd, wenn ich det drinn chan gfunde wärde. ich han kein einzige vorteil, nume nachteil.
somit isch für mich de fall klar und hed nüt demit z'tue, dass ich nüt z'verberge han.

wägem parkplatz. was isch, wenn de wo ich de parkplatz weggschapped han uf mich los wott, aber vo mir uf's dach überchunnt, dehei aber vill kollege hed?
was isch, wenn's irgend en psycho isch, wo's scho lang am brodle isch, aber jetzt ändlich überchoched, will ich ihn usserorts überhole, will er mit 60 dehiischliicht?
(alles scho erläbt, und gottseidank hend die vögel amigs ned gwüsst, wo ich wohne)

Zitat

Original von maini
naja, also ich bin da anderer meinig... labili mensche wo sich weg irgend ere lapalie im strasseverkehr wend räche, die fahred der 100% nah. wend sie abhenksch, hend die dini nr sicher ned gmerkt. oder wievil mal hesch du dich grausamscht über öpperd ufgregt und hesch nur aasatzwiis dra denkt dir die nr zmerke, demit du nachene bim strassi de halter chasch ermittle? gsehsch ja da inne das die meischte kei peilig hend wo mer sone nr. im netz chönnt ga nahluege. wenn mir kei peilig hend, wie sell den sonen psychisch labile so was usefinde?

und weg de iibrüch. glaub wenn e mindeschtens 2 chöpfigs duo en iibruch so plant, den muen aber nach usse ersichtlich sii das det was z'hole isch.
die meischte iibrüch bi eus ottonromal verbrucher sind doch unplant.

du dänksch anschinend, dass psychisch labil = dumm isch hä? nänä junge, git söttig wo geischtig topfit sind und nur überchoched wemmer sie provoziert. Aber wirsch es ja denn sicher sälber merke wennt mol so eine am hals häsch. es mues ja nid mal eine im strasseverchehr sii sondern villicht eine wo du idr migros aremplisch und dem das überhaupt nid passt

ich finde das ganze au chli problematisch.

mache mal en versuech morn und schriibe mer d nummere vom halbnachber mit em bentley continental use und töggele die mal ine.

wenn de drinne isch denn wäri das für en dieb sicher, dass mer dete öppis hole chan.

en benz chönd sich no viel leischte oder besser gseit lease aber so die würkli abartig türe chärre währed denn scho ahaltspünkt.

und labili persone wo denn so krass usraschtet sind oft sonigi wo so guet wie nie uffalled sondern alles i sich inne fressed und grad da drum langed denn e chlini sach bis zum überchoche.....

nei leutz aber jetzt langeds den öppä.
wenn ihr soo schiss vomne psychopath hend, den bschlüssed eu i eui 4 wändli ii und mached d'tüür nie meh uf. grenzt ja scho fascht an paranoia!

meine s'lebe hett gnueg anderi risike und gfahre.

maini
du peilsch es ned wükli, oder? wenn du so spitz druf bisch, dass jede grad xeht wer du bisch und was du machsch, denn schriib doch dini adrässe und telefonnummer uf dis auto, dine töff und dini chleider?!

es isch jetzt halt so, dass es kein vorteil hed, wenn ich i dem scheissindex stah. es hed nur nahteil für mich. oder xehsch du irgend ein vorteil? ghörsch au zu dene, wo überall dini email adrässe ahgänd und finded, dass spyware nur öppis isch, wo paranoidi psychos stört?
sorry, aber au wenn ich nüt z'verberge ha, es muess jetzt eifach würkli ned jede wüsse, wo ich wohne...
aber mir wärdet's xeh. ich gange jedi wett ih, dass das mit dem index no es thema wird in verbindig zumene verbräche ich weiss ja jetzt, wo du wonsch

(sorry, wenn's z'heftig xii ischi, aber ich ha's langsam satt, dass jede alles muess wüsse)

mercutio

bisch weich? ich ha dich nie aagriffe also regg di wider ab!
findes eifach chli vörig wenn mer da inne muen verzelle was für psychopathe umelaufed und die gad ahand vo dinere polizeinr. en amoklauf bi dir dihei veraastaltet!

Chasch au bim poschte mitem migros chärreli eim de arsch streife, de hollt de gfrohrni aal bi de fisch, zieht der en über de schäddel, bis am bode liisch.

irgendwoo muen mer doch mal mit de phantasie stoppe!

sell jede wo sich unsicher fühlt sini aagabe ga lösche, han ich doch nix degege, würd ich evt au mache wenni in züri oder uster oder so irgendme ort würd wohne.
für mich stimmts so wies isch bi mir, fertig basta.
de spruch mit em wer nüt zverberge hett, muen sich au ned verstecke, hett sich au ned unbedingt ufs sperre vo de date bezoge...

sorry aber wenn mer da thema durrelist, chönt mer meine mer lebed all inere schwiiz wo jede am beschte mit scheuklappe dur d'strasse sell laufe, ja mit keim rede und ja niemert sell was wüsse vom andere, möglischt alles steril, den es chönnt der ja jede was böses due! und geg sone sterili aasicht han ich halt eifach was!

n8

Hei, irgendwie all chli aggro i letschter Ziit .

Ich findes total Sinnlos dasmer das chan naaluege. Wemmer ez mal devo uusgönd dases nöd zu Sache alla Sälbschtjustiz oder Iibruch gnutzt wird, was bingts?
Gseene nöd ein positive Punkt a dere Gschicht.